Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida (PQ-616-son)

06.04.2007

Oʻzbekiston Respublikasi Prezidentining

Qarori

Aholi daromadlari va farovonligi darajasini oʻstirishning gʻoyat muhim omili sifatida uning bandligini oshirish uchun zarur shart-sharoitlar yaratish, mehnat bozori infratuzilmasini yanada rivojlantirish, odamlarni ijtimoiy himoya qilish tizimini mustahkamlash, ushbu masalalarni hal etishda mehnat va aholini ijtimoiy muhofaza qilish organlarining rolini faollashtirish hamda javobgarligini kuchaytirish, shuningdek ular faoliyatini tashkil qilishni takomillashtirish maqsadida:

1. Oʻzbekiston Respublikasi Prezidentining 2007-yil 12-yanvardagi F-2654-sonli Farmoyishiga muvofiq tashkil etilgan Ishchi guruhi tomonidan Oʻzbekiston Respublikasi Iqtisodiyot vazirligi, Mehnat va aholini ijtimoiy muhofaza qilish vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ishlab chiqilgan Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari dasturi 1-ilovaga muvofiq maʼqullansin.

Ishchi guruhi Dastur topshiriqlari bajarilishi ustidan qatʼiy monitoring oʻrnatsin va uning ijrosi toʻgʻrisida har chorakda Vazirlar Mahkamasiga axborot berib borsin.

2. Respublika sharoitida aholi bandligi va daromadlarini oshirishning samarali shakllaridan biri sifatida aholini xoʻjalik yurituvchi subyektlar bilan kooperatsiyalashgan holda kasanachilik mehnatiga keng jalb etishni ragʻbatlantirish maqsadida Oʻzbekiston Respublikasi Prezidentining “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida” 2006-yil 5-yanvardagi PF-3706-sonli Farmonining amal qilishi iqtisodiyotning boshqa tarmoqlari, birinchi galda transport, aloqa, qurilish va qurilish industriyasining yirik korxonalariga, shuningdek tayyor mahsulot ishlab chiqarishga ixtisoslashgan kichik sanoat korxonalariga nisbatan ham joriy etilsin.

4. Oʻzbekiston Respublikasi Bandlik va mehnat munosabatlari vazirligi Iqtisodiyot vazirligi, Oliy va oʻrta maxsus taʼlim vazirligi bilan birgalikda, mehnat bozorida vujudga kelayotgan tendensiyalarni va muayyan ixtisosliklar boʻyicha kadrlarga nisbatan talab-ehtiyojni hisobga olgan holda kadrlarni kasbiy tayyorlash va qayta tayyorlash boʻyicha yoʻnalishlardagi oʻzgarishlarga oid takliflarni tizimli asosda Vazirlar Mahkamasiga kiritsin.

5. Oʻzbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligi, Moliya vazirligining tuman (shahar) mehnat, bandlik va aholini ijtimoiy muhofaza qilish boʻlimlari negizida yirik qishloq fuqarolar yigʻinlari (mahallalar)da mehnat va aholini ijtimoiy muhofaza qilish boʻyicha muqim punktlari boʻlgan Bandlikka koʻmaklashuvchi tuman (shahar) markazlarini tashkil etish toʻgʻrisidagi taklifi qabul qilinsin.

Quyidagilar Bandlikka koʻmaklashuvchi markazlarining asosiy vazifalari etib belgilansin:

ish bilan band boʻlmagan aholi hisobi metodikasiga muvofiq, ishsizlar tizimli ravishda hisobga olib borilishini, ishga joylashishga muhtojlar, shuningdek mavjud boʻsh ish joylari toʻgʻrisida maʼlumotlar banki shakllantirilishini taʼminlash;

ishsizlar, birinchi navbatda yoshlar, xotin-qizlar va aholining boshqa ijtimoiy ehtiyojmand toifalarini ishga joylashtirishga koʻmaklashish;

aholi bandligining samarali shakllarini rivojlantirish, jumladan kasanachilik mehnatini joriy etish, mustaqil ish bilan bandlik, shu jumladan shaxsiy yordamchi va dehqon xoʻjaliklarida qoramol boqish hamda boshqa turdagi ish bilan bandlikni ragʻbatlantirish;

ishsizlarni kasbga oʻqitish va qayta oʻqitishni tashkil qilish, ularni ijtimoiy qoʻllab-quvvatlash boʻyicha qonun hujjatlarida nazarda tutilgan chora-tadbirlarni amalga oshirish, haq toʻlanadigan jamoat ishlarini kengaytirish;

mehnat, aholining bandligi sohasidagi qonun hujjatlarining talablariga rioya etilishini nazorat qilish, mehnat munosabatlarini takomillashtirish chora-tadbirlarini, moddiy ragʻbatlantirish va mehnatni muhofaza qilish mexanizmlarini amalga oshirish;

7. Oʻzbekiston Respublikasi Mehnat va aholini ijtimoiy muhofaza qilish vazirligi markaziy apparati boʻlinmalari rahbarlarini, hududiy bosh boshqarmalar, shuningdek vazirlikka boʻysunuvchi tashkilotlar rahbarlarini attestatsiyadan oʻtkazish boʻyicha Respublika komissiyasi 7-ilovaga muvofiq tarkibda tuzilsin.

Respublika komissiyasi ikki oy muddatda mazkur toifalardagi xodimlarni ularning malaka va kasb darajalariga nisbatan talablarni eʼtiborga olgan holda attestatsiyadan oʻtkazsin.

8. Oʻzbekiston Respublikasi Mehnat va aholini ijtimoiy muhofaza qilish vazirligi 2007-yilning 1-iyuliga qadar:

hududiy bosh boshqarmalar tarkibiy boʻlinmalari, shuningdek, Bandlikka koʻmaklashuvchi tuman (shahar) markazlari va tuman (shahar) ijtimoiy taʼminot boʻlinmalari rahbarlarini ularning malaka va kasbiy saviya-darajasiga nisbatan qattiq talablar qoʻygan holda attestatsiyadan oʻtkazsin;

Oʻzbekiston Respublikasi Oliy va oʻrta maxsus taʼlim vazirligi bilan birgalikda ishsizlar kasbga tayyorlanadigan, qayta tayyorlanadigan va malakasi oshiriladigan bazaviy kasb-hunar kollejlarini hududlar boʻyicha belgilasin, shuningdek, ish beruvchilar va mehnat bozorining malakali kadrlarga boʻlgan talab-ehtiyojlarini hisobga oladigan tegishli taʼlim dasturlarini ishlab chiqsin.

9. Oʻzbekiston Respublikasi Mehnat va aholini ijtimoiy muhofaza qilish vazirligi, Iqtisodiyot vazirligi, Moliya vazirligi, Davlat statistika qoʻmitasi bir oy muddatda Xalqaro mehnat tashkiloti tomonidan respublikaning oʻziga xos xususiyatlarini hisobga olib belgilangan normalardan kelib chiqqan holda, hududlar boʻyicha Ishga joylashishga muhtoj, ish bilan band boʻlmagan aholi hisobi metodikasini ishlab chiqsin hamda tasdiqlash uchun Vazirlar Mahkamasiga kiritsin.

10. Oʻzbekiston Respublikasi Moliya vazirligi, Mehnat vazirligining mehnat organlari xodimlarining mehnatini ragʻbatlantirish hamda moddiy-texnika bazasini mustahkamlash jamgʻarmasini tashkil etish toʻgʻrisidagi taklifi qabul qilinsin.

Mehnat organlari xodimlarining mehnatini ragʻbatlantirish hamda moddiy-texnika bazasini mustahkamlash jamgʻarmasi toʻgʻrisidagi nizom 8-ilovaga muvofiq tasdiqlansin.

11. Adliya vazirligi bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

12. Ushbu qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2007-yil 6-aprel,

PQ-616-son

Oʻzbekiston Respublikasi Prezidentining 2007-yil 6-apreldagi PQ-616-son qaroriga 1-ILOVA

Aholining ish bilan bandligini kengaytirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari dasturi

T/r Tadbirlar nomi Bajarish muddati Bajarish uchun masʼullar Tadbirlarni amalga oshirish shakllari Kutilayotgan natija I. Aholining ish bilan bandligini oshirish 1.‎ Har yili kamida 550 ming yangi ish oʻrinlarini, shu jumladan: ‎kichik korxonalar va mikrofirmalarni rivojlantirish hisobiga — 320 ming ish oʻrinlari; ‎barcha yoʻnalishdagi kasanachilikni, jumladan oilaviy tadbirkorlikni kengaytirish hisobiga — 160 ming ish oʻrinlari; ‎faoliyat yuritayotgan korxonalarni rekonstruksiya qilish va moliyaviy-iqtisodiy sogʻlomlashtirish, yangi yirik ishlab chiqarish obyektlarini ishga tushirish, ijtimoiy va bozor infratuzilmasini rivojlantirish hisobiga — 70 ming ish oʻrinlarini tashkil etish. Har yili Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Bandlik va mehnat munosabatlari vazirligi Bandlikning hududiy dasturlari Tumanlar, shaharlar, viloyatlar va umuman respublikada ish oʻrinlari hamda aholining bandligi oʻsishini tashkil etish. 2.‎ 2007-yilda, asosan qishloq joylarda xizmat koʻrsatish va servis sohasida ish oʻrinlarining mahallalar boʻyicha joylashuvini belgilab va ushbu maqsadlarga Bandlikka koʻmaklashish jamgʻarmasidan har yili kamida 3 mlrd. soʻm ajratilishini nazarda tutgan holda 100 ming yangi ish oʻrinlari tashkil etilishini taʼminlash. 2007-yil davomida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiyot vazirligi, Mehnat va aholini ijtimoiy muhofaza qilish vazirligi Bandlikning hududiy dasturlari Aholining ish bilan bandligi, shu jumladan xizmat koʻrsatish va servis sohasidagi bandligining oʻsishi. 3.‎ Oilaviy biznesni tashkil etishga imtiyozli kreditlarni jalb etgan holda har yili kam taʼminlangan oilalardan, ayniqsa qishloq joylarda kamida 15 ming kishini ishga joylashtirish. Har yili Bandlik va mehnat munosabatlari vazirligi, tumanlar hokimliklari Mikrokreditlarga boʻlgan talablar toʻgʻrisidagi axborot, Bajaruvchilarning qoʻshma tadbirlari Kam taʼminlangan oilalardagi, eng avvalo qishloq joylarda yashovchi ishlamaydigan aholining bandligini taʼminlash. 4.‎ Qoramol yetishtiruvchilarni ish bilan band shaxslar sifatida hisobga olish, ushbu faoliyat turi bilan shugʻullanuvchi kamida 270 ming kishiga mehnat daftarchasi berish va yuritish, shuningdek qoramol sotib olish uchun Bandlikka 2007-yil davomida Mehnat va aholini ijtimoiy muhofaza qilish vazirligi, qishloq tumanlari hokimliklari Qoramol yetishtirish chora-tadbirlari parametrlari Ishlamaydigan qishloq aholisining bandligi va ijtimoiy muhofazasini taʼminlash. 5.‎ Ish bilan band va ishga joylashishga muhtoj shaxslarning haqiqiy sonini aniqlash uchun mehnat bozoridagi vaziyatga baho berish koʻrsatkichlari tizimini ishlab chiqish va tasdiqlash. 2007-yil II chorak Mehnat va aholini ijtimoiy muhofaza qilish vazirligi, Davlat statistika qoʻmitasi, Iqtisodiyot vazirligi Koʻrsatkichlar tizimini tasdiqlash Mehnat bozoridagi vaziyatni va ishga muhtojlar sonini yanada toʻliq va sifatli baholash. 6.‎ Tasdiqlangan koʻrsatkichlar tizimi boʻyicha mehnat bozori va bandlik ustidan monitoring tashkil etish. Har chorakda Bandlik va mehnat munosabatlari vazirligi, Davlat statistika qoʻmitasi, Iqtisodiyot vazirligi Har chorakda chiqadigan “Mehnat bozori va aholi bandligi monitoringi” byulletenini chop etish Mintaqalar boʻyicha mehnat bozoridagi vaziyatni tezkor ravishda baholash tizimini shakllantirish. 7.‎ Goʻsht-sut va meva-sabzavot mahsulotlari, boshqa turdagi mahalliy xom ashyoni qayta ishlash, teriga ishlov berish, xalq isteʼmoli mollarini ishlab chiqarish boʻyicha kichik korxonalarni tashkil etish innovatsiya loyihalarini ragʻbatlantirish mexanizmi ishlab chiqilishini taʼminlash hamda ularni Tadbirkorlikni qoʻllab-quvvatlash va korxonalarni tarkibiy qayta qurish jamgʻarmasi mablagʻlaridan grantlar va kreditlar ajratish yoʻli bilan moliyalashtirish. Ishlab chiqish — 2007-yil, moliyalash-tirish — 2008-yildan boshlab Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, Iqtisodiyot vazirligi Kichik innovatsiya loyihalarini ragʻbatlantirish toʻgʻrisidagi nizom Kichik korxonalarda muqim ish oʻrinlarini tashkil etish. II. Mehnat organlari ish bilan band boʻlmagan fuqarolarga koʻrsatadigai xizmat, shu jumladan ularni qayta tayyorlash va ishga joylashtirish boʻyicha koʻrsatiladigan xizmatlar turi va sifatini kengaytirish 8.‎ Har bir yirik qishloq fuqarolari yigʻini hududida aholini ishga joylashtirish va ijtimoiy muhofaza qilish muqim punktlarini tashkil etish. ‎Band boʻlmagan aholiga mehnat organlari tomonidan turli xizmatlar koʻrsatishni nazarda tutuvchi mazkur punktning aniq ish reglamentini ishlab chiqish. 2007-yil II chorak Mehnat va aholini ijtimoiy muhofaza qilish vazirligi, qishloq tumanlari hokimliklari Mehnat va aholini ijtimoiy muhofaza qilish vazirining buyrugʻi, bajaruvchilarning qoʻshma qarorlari Tuman markazlaridan uzoqda yashaydigan qishloq aholisining hududiy mehnat organlari xizmatidan foydalanishini yaxshilash, ularning doirasini band boʻlmagan aholining bevosita yashash joyi tomon kengaytirish. 9.‎ Axborot xizmati turlari doirasini kengaytirish uchun barcha xoʻjalik yurituvchi subyektlar tomonidan oʻzlaridagi ishchilar soni va ularning maqomidan qatʼi nazar, boʻsh ish oʻrinlari toʻgʻrisidagi maʼlumotlarni mehnat organlariga oʻz vaqtida va toʻliq taqdim etishning yangi tartibini tasdiqlash. 2007-yil II chorak Mehnat va aholini ijtimoiy muhofaza qilish vazirligi, Iqtisodiyot vazirligi, Adliya vazirligi Mehnat organlariga boʻsh ish oʻrinlari va lavozimlari haqidagi maʼlumotlarni taqdim etish tartibi toʻgʻrisida nizom Ishga joylashish imkoniyatlarini oshirish va sonini koʻpaytirish. 10.‎ Ish izlayotgan fuqarolarga kerakli maʼlumot olish imkonini beradigan maʼlumotlarning mintaqaviy elektron tarmogʻini (hududlar, iqtisodiyot tarmoqlari, aniq ish oʻrinlari boʻyicha) shakllantirishni nazarda tutuvchi boʻsh oʻrinlar va boʻsh ish joylari bankidan aholi kengroq foydalanishini, shuningdek mehnat bozori toʻgʻrisida davriy axborot materiallari (byulletenlar) chop etilishini, ushbu maqsadlarga Bandlikka koʻmaklashish jamgʻarmasidan 450 mln. soʻm ajratilishini nazarda tutgan holda taʼminlash. Tashkil etish — 2007-yil I-III choraklar, tatbiq etish — 2007-yil IV chorak Mehnat va aholini ijtimoiy muhofaza qilish vazirligi, tuman (shahar) hokimliklari Mehnat va aholini ijtimoiy muhofaza qilish vazirining buyrugʻi, bajaruvchilarning qoʻshma tadbirlari, axborot materiallari Mehnat organlari tomonidan band boʻlmagan aholiga koʻrsatilayotgan xizmatlar turini kengaytirish. 11.‎ Yolgʻiz keksalar, pensionerlar, nogironlar, parvarishga muhtoj insonlarga uyda ijtimoiy xizmat koʻrsatishni tashkil etish orqali. kamida 1000 kishining ish bilan band boʻlishini taʼminlash. 2007-yil davomida Mehnat va aholini ijtimoiy muhofaza qilish vazirligi Mehnat va aholini ijtimoiy muhofaza qilish vazirining buyrugʻi Mahalliy mehnat organlari tomonidan band boʻlmagan aholiga koʻrsatilayotgan xizmatlar turini kengaytirish. 12.‎ Mavjud kasb-hunar kollejlari negizida ish bilan band boʻlmaganlarni tayyorlash, qayta tayyorlash va malakasini oshirish hajmlarini kengaytirish (har yili kamida 10 ming kishi) boʻyicha chora-tadbirlar ishlab chiqish va amalga oshirish. 2007-yil davomida Mehnat va aholini ijtimoiy muhofaza qilish vazirligi, Oʻrta maxsus, kasb-hunar taʼlimi markazi Bajaruvchilarning qoʻshma tadbirlari Ish bilan band boʻlmaganlarga kasbiy qayta tayyorlash boʻyicha koʻrsatilayotgan xizmatlar turini kengaytirish. 13.‎ Bandlikni taʼminlash boʻyicha maxsus chora-tadbirlarga muhtoj toifadagi fuqarolarni ishga joylashtirish uchun ish oʻrinlari zaxirasi yaratiladigan (kvotalashtiriladigan) korxonalar doirasini kengaytirish. 2007-yil II chorak Mehnat va aholini ijtimoiy muhofaza qilish vazirligi, Iqtisodiyot vazirligi, Adliya vazirligi Ijtimoiy muhofazaga muhtoj va ish izlashda qiyinchiliklarga duch kelgan shaxslarni ishga joylashtirish uchun ish oʻrinlari zaxirasini yaratish toʻgʻrisida yangi nizom Kasb-hunar taʼlimini tamomlab mehnat bozoriga chiqayotgan yoshlarni, nogironlar, jazodan ozod etilgan shaxslarni ishga joylashtirishni taʼminlash. 14.‎ Joylarga chiqish orqali mehnat munosabatlarini takomillashtirish va mehnatga oid qonunchilikka rioya etish masalalarida korxonalarga tizimli huquqiy yordam koʻrsatish. Yil davomida Mehnat va aholini ijtimoiy muhofaza qilish vazirligi Ish beruvchilar bilan birgalikdagi tadbirlar Mehnat, bandlik va xodimlarni ijtimoiy muhofaza qilish masalalarida ish beruvchilarga xizmat koʻrsatish doirasini kengaytirish. III. Xalqaro standartlar va mehnat bozorining oʻziga xos jihatlaridan kelib chiqib, aholi bandligini hisobga olish hamda baholash mexanizmlari va usullarini takomillashtirish 15.‎ Bandlik va ishsizlik toifalari mazmun-mohiyatini Xalqaro mehnat tashkiloti standartlariga muvofiqlashtirish. 2007-yil II chorak Mehnat va aholini ijtimoiy muhofaza qilish vazirligi, Davlat statistika qoʻmitasi, Adliya vazirligi Uslubiy va instruksiyaviy hujjatlarni ishlab chiqish Xalqaro standartlar va Oʻzbekistondagi mehnat bozorining oʻziga xos jihatlaridan kelib chiqib, bandlik koʻrsatkichlarining hisobga olinishini taʼminlash. 16.‎ Xalqaro standartlar va mehnat bozorining oʻziga xos milliy xususiyatlariga muvofiq mintaqalar boʻyicha ishga joylashishga muhtoj, ish bilan band boʻlmagan aholi hisobi metodikasini belgilangan tartibda ishlab chiqish va tasdiqlash. 2007-yil I chorak Mehnat va aholini ijtimoiy muhofaza qilish vazirligi, Iqtisodiyot vazirligi, Davlat statistika qoʻmitasi Uslubiyat Mehnat bozoridagi vaziyatni baholash sifatini oshirish va ish oʻrniga boʻlgan talabni aniqlash. 17.‎ Bandlik masalalari boʻyicha tekshiruv dasturlarini milliy hisob raqamlar tizimi doirasida va xalqaro qoidalarga muvofiq norasmiy sektordagi band boʻlgan barcha toifalarni qamrab olgan holda takomillashtirish. 2007-yil IV chorak Mehnat va aholini ijtimoiy muhofaza qilish vazirligi, Iqtisodiyot vazirligi, Davlat statistika qoʻmitasi Takomillashtirilgan soʻrovnomalar va tekshiruvni oʻtkazish yoʻriqnomalari Bandlikni hisobga olishni va uslubiyatini takomillashtirish. 18.‎ Xalqaro standartlarda qabul qilingan qoidalar tizimida va statistik hisobot maʼlumotlarini bandlik masalalari boʻyicha tekshiruv materiallari bilan toʻldirish asosida bandlik maqomi, iqtisodiyot sektorlari va tarmoqlari boʻyicha mehnat resurslari balansini ishlab chiqish. 2008-yildan boshlab Davlat statistika qoʻmitasi, Mehnat va aholini ijtimoiy muhofaza qilish vazirligi Bajaruvchilarning qoʻshma tadbirlari Xalqaro standartlarni hisobga olgan holda bandlik va ishsizlikni sifatli hamda xolis baholash. 19.‎ Tashqi mehnat migratsiyasini hisobga olish shakl va usullarini ishlab chiqish hamda migratsiya siyosatini amalga oshirishga masʼul idoralar tomonidan vakillik tekshiruvlarini oʻtkazish. 2007-yil IV chorak Tashqi mehnat migratsiyasi masalalari agentligi, Davlat statistika qoʻmitasi Tashqi mehnat migratsiyasini hisobga olishning tasdiqlangan shakllari va vositalari Aholining mehnat migratsiyasini yanada toʻliq va sifatli hisobga olishni taʼminlash. IV. Mehnat va aholini ijtimoiy muhofaza qilish organlari boshqaruvining tashkiliy tuzilmasini maqbullashtirish, ular faoliyati samaradorligini oshirish 20.‎ Tuman (shahar) mehnat, bandlik va aholini ijtimoiy muhofaza qilish boʻlimlarini Bandlikka koʻmaklashuvchi markazlar sifatida qayta tashkil etish. 2007-yil I-II choraklari Mehnat va aholini ijtimoiy muhofaza qilish vazirligi, tuman, shahar hokimliklari Tashkiliy tadbirlar Tuman va shaharlardagi mehnat organlari faoliyati samaradorligini oshirish. 21.‎ Faoliyat koʻrsatayotgan Vaqtincha bir martalik ish bilan taʼminlash markazlarini Vaqtinchalik ishlarni tashkil etish byurosi sifatida qayta tashkil etish hamda mehnat bozorida vaziyat mushkul boʻlgan mintaqalar hisobiga ularning tarmoqlarini kengaytirish. 2007-yil I- II choraklari Mehnat va aholini ijtimoiy muhofaza qilish vazirligi, tuman, shahar hokimliklari Bajaruvchilarning qarorlari Vaqtinchalik ishlarni tashkil etish samaradorligini oshirish. 22.‎ Mehnat va aholini ijtimoiy muhofaza qilish vazirligining tarkibiy, hududiy va idoraviy mansub boʻlinmalari toʻgʻrisidagi nizomlarni qayta koʻrib chiqish va yangilarini tasdiqlash. 2007-yil II chorak Mehnat va aholini ijtimoiy muhofaza qilish vazirligi Bajaruvchilarning qarorlari Mehnat va aholini ijtimoiy muhofaza qilish organlari faoliyati samara-dorligini oshirish. 23.‎ Nogironlarni ekspertizadan oʻtkazish va reabilitatsiya qilish masalalari inspeksiyasi boshqaruvining tashkiliy tuzilmasini qayta koʻrib chiqish va Inspeksiya, TMEKlar, mintaqaviy reabilitatsiya markazlari toʻgʻrisidagi yangi nizomni tasdiqlash. 2007-yilning II yarim yilligi Mehnat va aholini ijtimoiy muhofaza qilish vazirligi, Moliya vazirligi Vazirlar Mahkamasi qarori loyihasi Jarayonlarni boshqarishning tashkiliy tuzilmasini maqbullashtirish va nogironlikni ekspertizadan oʻtkazish hamda reabilitatsiya qilish samaradorligini oshirish 24.‎ Mehnatni meʼyorlashtirish va muhofaza qilish Markazi hamda Mehnat, bandlik va aholini ijtimoiy muhofaza qilish muammolarini oʻrganish Respublika markazini Bandlik, mehnatni muhofaza qilish va aholini ijtimoiy himoya qilish Respublika ilmiy markazi sifatida qayta tashkil etish hamda uning Nizomini tasdiqlash. 2007-yil I-II choraklari Mehnat va aholini ijtimoiy muhofaza qilish vazirligi Mehnat va aholini ijtimoiy muhofaza qilish vazirining buyrugʻi Bandlik, mehnatni muhofaza qilish va aholini ijtimoiy himoya qilish sohasidagi ilmiy tadqiqotlar jarayonlarini boshqarishning tashkiliy tuzilmasini maqbullashtirish. 25.‎ 2007/2008 oʻquv yilidan boshlab yetakchi oliy oʻquv yurtlari va alohida kasb-hunar kollejlarida mehnat, bandlik va aholini ijtimoiy muhofaza qilish sohasida kadrlar, shu jumladan “Mehnat iqtisodiyoti” va “Ijtimoiy ish” mutaxassisliklar boʻyicha kadrlarni aniq maqsadga yoʻnaltirilgan holda tayyorlash chora-tadbirlarini ishlab chiqish va amalga oshirish. 2007-yil II-III choraklari Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligi Bajaruvchilarning birgalikdagi qarori Mehnat va aholini ijtimoiy muhofaza qilish organlarini malakali kadrlar bilan taʼminlash. ‎‎V. Aholini ijtimoiy himoya qilish va mehnatni muhofaza qilish sohasida qonunchilik bazasini rivojlantirish, shu sohada davlat nazorati mexanizmlarini kuchaytirish 26.‎ “Ishlab chiqarishdagi baxtsiz hodisalar va kasb kasalliklaridan davlat ijtimoiy sugʻurtasi toʻgʻrisida”gi qonun loyihasini ishlab chiqish. 2007-yil III chorak Mehnat va aholini ijtimoiy muhofaza qilish vazirligi, Moliya vazirligi, Iqtisodiyot vazirligi, Sogʻliqni saqlash vazirligi, Adliya vazirligi, Kasaba uyushmalari Federatsiyasi Qonun loyihasi Ishlab chiqarishdagi baxtsiz hodisalar va kasb kasalliklarida ishchilarga kafolatlarni, mehnatni muhofaza qilish masalalarida ishchilar va ish beruvchilar oʻrtasidagi oʻzaro munosabatlar tartibini belgilash. 27.‎ “Oʻzbekiston Respublikasida nogironlarni ijtimoiy himoya qilish toʻgʻrisida”gi qonunga oʻzgartish va qoʻshimchalar kiritish boʻyicha takliflar tayyorlash. 2007-yil III chorak Mehnat va aholini ijtimoiy muhofaza qilish vazirligi, Moliya vazirligi, Sogʻliqni saqlash vazirligi, Adliya vazirligi, Oʻzbekiston nodavlat notijorat tashkilotlari milliy uyushmasi, “Mahalla”, “Oʻzbekiston madaniyati va sanʼati Forumi”, “Mehr nuri” jamgʻarmalari, “Hayot” nodavlat notijorat tashkiloti, Ijtimoiy tashabbuslarni qoʻllab-quvvatlash jamgʻarmasi, Respublika bolalar ijtimoiy moslashuvi markazi Ayrim qonun hujjatlariga oʻzgartish va qoʻshimchalar kiritish toʻgʻrisidagi qonun loyihasi Nogironlarni ijtimoiy muhofaza qilish shart-sharoitlarini takomillashtirish, ularning huquqlarini kengaytirish hamda ish beruvchilarning nogironlarni ish bilan taʼminlashdan manfaatdorligini oshirish. 28.‎ Oʻzbekiston Respublikasining “Aholini ish bilan taʼminlash toʻgʻrisida”gi Qonuni hamda Mehnat kodeksiga oʻzgartish va qoʻshimchalar kiritish boʻyicha takliflar tayyorlash. 2007-yil II chorak Mehnat va aholini ijtimoiy muhofaza qilish vazirligi, Adliya vazirligi Ayrim qonun hujjatlariga oʻzgartish va qoʻshimchalar kiritish toʻgʻrisidagi qonun loyihasi Bandlikning hamda ishsizlikdan muhofaza qilishning huquqiy kafolatlarini kuchaytirish. 29.‎ Moliya-xoʻjalik faoliyatini amalga oshirmaydigan va oʻz ustav fondlarini qonun hujjatlarida belgilangan muddatda shakllantirmagan korxonalarni tugatish tartibi toʻgʻrisidagi nizomga (Vazirlar Mahkamasining 1999-yil 3-iyuldagi 327-sonli qarori bilan tasdiqlangan) tugatilgan korxonalardagi bandlikni va ish oʻrinlarini hisobga olgan holda oʻzgartish va qoʻshimchalar kiritish. 2007-yil III chorak Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, Iqtisodiyot vazirligi, Adliya vazirligi Normativ-huquqiy hujjat loyihasi Ishlovchilar harakati va ish oʻrinlari, shu jumladan ularning chiqib ketishini yanada toʻliq hisobga olish. 30.‎ Mehnat sharoitlarini davlat ekspertizasidan oʻtkazish mexanizmini kuchaytirish boʻyicha takliflar ishlab chiqish. 2007-yil III chorak Mehnat va aholini ijtimoiy muhofaza qilish vazirligi, Adliya vazirligi Vazirlar Mahkamasining 1993-yil 29-iyuldagi 378-sonli qaroriga oʻzgartish va qoʻshimchalar Ishlab chiqarishda xavfsiz mehnat sharoitlarini yaratishda davlat nazoratini taʼminlash.

Oʻzbekiston Respublikasi Prezidentining 2007-yil 6-apreldagi PQ-616-son qaroriga 7-ILOVA

Oʻzbekiston Respublikasi Mehnat va aholini ijtimoiy muhofaza qilish vazirligining markaziy apparati va hududiy boʻlinmalari rahbarlarini attestatsiyadan oʻtkazish respublika komissiyasi tarkibi

Oʻzbekiston Respublikasi Prezidentining 2007-yil 6-apreldagi PQ-616-son qaroriga 8-ILOVA

Mehnat organlari xodimlarining mehnatini ragʻbatlantirish hamda moddiy-texnika bazasini mustahkamlash jamgʻarmasi toʻgʻrisida

NIZOM

I. Umumiy qoidalar

1. Mazkur Nizom Mehnat organlari xodimlarining mehnatini ragʻbatlantirish hamda moddiy-texnika bazasini mustahkamlash jamgʻarmasi (bundan keyin matnda — Jamgʻarma)ni tashkil etish va uning mablagʻlaridan foydalanish tartibini belgilab beradi.

2. Jamgʻarma mablagʻlaridan xodimlarning bajarilayotgan ish samaradorligi va sifatini oshirishdan moddiy manfaatdorligini kuchaytirish, shuningdek mehnat organlarining moddiy-texnika bazasini mustahkamlash uchun foydalaniladi.

II. Jamgʻarma mablagʻlarini shakllantirish manbalari

3. Quyidagilar Jamgʻarma mablagʻlarini shakllantirish manbalari hisoblanadi:

Bandlikka koʻmaklashuvchi davlat jamgʻarmasi tushumlari mablagʻlarining 5 foizi;

qonunchilikka muvofiq boshqa tushumlar.

4. Jamgʻarma mablagʻlari Oʻzbekiston Respublikasi Bandlik va mehnat munosabatlari vazirligi, Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahri bandlik hududiy bosh boshqarmalarining budjetdan tashqari maxsus hisobvaraklarida jamlanadi hamda Oʻzbekiston Respublikasi Bandlik va mehnat munosabatlari vazirligi tomonidan oʻrnatilgan tartibda mehnat organlari oʻrtasida taqsimlanadi.

III. Jamgʻarma daromadlari va xarajatlari smetasini tuzish, tasdiqlash hamda roʻyxatga olish tartibi

5. Jamgʻarmaning kelgusi yilgi daromadlari miqdorlarini belgilashda Jamgʻarmaning avvalgi yil oxiridagi mablagʻlari qoldigʻi hamda keyingi ikki yil ichida qonun hujjatlaridagi oʻzgarishlarni eʼtiborga olib, tushumlar dinamikasini nazarda tutgan holda hisoblab chiqilgan prognoz tushumlari hajmi inobatga olinadi.

6. Smetaning xarajatlar qismi Oʻzbekiston Respublikasi Moliya vazirligi tomonidan tasdiqlangan davlat budjeti xarajatlari tasnifiga muvofiq xarajatlarni moddalar boʻyicha aniq koʻrsatgan holda xarajat guruhlari boʻyicha tuziladi.

7. Jamgʻarmaning daromad va xarajatlari smetasi tegishli ravishda:

Oʻzbekiston Respublikasi bandlik va mehnat munosabatlari vaziri;

Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahri bandlik hududiy bosh boshqarmalarining boshliqlari tomonidan tuman (shahar) boʻlinmalari xarajatlar smetalarini ilova qilgan holda tasdiqlanadi.

8. Jamgʻarma daromadlari va xarajatlari smetasini roʻyxatga olish budjet tashkilotlarining xarajatlar smetalari va shtat jadvallarini Moliya vazirligi va moliya organlarida hisobga olishning Oʻzbekiston Respublikasi Moliya vazirligi tomonidan 1999-yil 9-dekabrda 93-son (1999-yil 13-dekabrdagi 849-roʻyxat raqami) tasdiqlangan Tartib bilan belgilangan tartib va muddatlarda amalga oshiriladi.

9. Oʻzbekiston Respublikasi bandlik va mehnat munosabatlari vaziri, Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahri bandlik hududiy bosh boshqarmalari boshliqlari tomonidan Jamgʻarma tushumlarining hajmlaridan kelib chiqib, belgilangan tartibda roʻyxatga olingan holda Jamgʻarmaning daromad va xarajatlari smetasiga har chorakda oʻzgartishlar kiritilishi mumkin.

IV. Jamgʻarma mablagʻlarini yoʻnaltirish va foydalanish tartibi

10. Jamgʻarma mablagʻlarini sarflash Oʻzbekiston Respublikasi Bandlik va mehnat munosabatlari vazirligi, Qoraqalpogʻiston Respublikasi Bandlik va mehnat munosabatlari vazirligi, viloyatlar va Toshkent shahri bandlik hududiy bosh boshqarmalarining, Bandlikka koʻmaklashuvchi tuman (shahar) markazlarining budjetdan tashqari maxsus hisobvaraqlaridan, tasdiqlangan daromadlar va xarajatlar smetalariga muvofiq amalga oshiriladi.

Oʻzbekiston Respublikasi bandlik va mehnat munosabatlari vaziri, Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahri bandlik hududiy bosh boshqarmalarining boshliqlari, tuman (shahar) Bandlikka koʻmaklashish markazlarining direktorlari, ular boʻlmagan taqdirda esa — ularning oʻrnini bosuvchi shaxslar tegishli ravishda Jamgʻarma mablagʻlarini tasarruf etuvchilar hisoblanadi.

11. Jamgʻarma mablagʻlari kuyidagi maqsadlarga yoʻnaltiriladi:

a) Jamgʻarma mablagʻlarining kamida 50 foizi miqdorida — mehnat organlari xodimlarini moddiy ragʻbatlantirishga, shu jumladan, belgili xizmat muddatini ado etganlik uchun har yili bir yoʻla beriladigan mukofot pulini toʻlashga;

b) Jamgʻarma mablagʻlarining 50 foizigacha miqdorda — mehnat organlarining moddiy-texnika bazasini mustahkamlashga, shuningdek, kadrlar tayyorlash va xodimlarning malakasini oshirish boʻyicha sarf-xarajatlarga, shu jumladan:

vazirlik, unga tegishli boʻlgan tashkilotlar, hududiy boshqarmalar hamda tuman (shahar) bandlikka koʻmaklashuvchi markazlar uchun binolar va xonalar qurish, sotib olish, taʼmirlashga, shuningdek, ularni zarur asbob va anjomlar bilan jihozlashga;

binolar, inventarlar va xoʻjalik jihozlari, avtotransport, aloqa vositalari, hisoblash texnikasi, kompyuter va tashkiliy texnika sotib olish, taʼmirlash, texnik xizmat koʻrsatish va ularni ekspluatatsiya qilishga, dasturiy taʼminot vositalari xarid qilish va xizmat koʻrsatishga;

davriy matbuot nashrlarini, maxsus adabiyotlar, kitob mahsulotlari, idoraviy ashyolarni sotib olishga;

kadrlar tayyorlash va xodimlar malakasini oshirish boʻyicha xarajatlarga;

mehnat organlari faoliyatini yaxshilashga qaratilgan boshqa tadbirlarga yoʻnaltiriladi.

Jamgʻarmaning joriy yilda foydalanilmagan mablagʻlari qoldigʻi navbatdagi moliya yiliga oʻtadi va olib qoʻyilmaydi.

12. Xodimlarga yuqori kasbiy malakasi uchun har oylik shaxsiy ustama haq, ishdagi muvaffaqiyatlari va muhim topshiriqlarni bajargani uchun ayrim xodimlarni mukofotlash, yubiley sanalari munosabati bilan bir marotabalik pul mukofotlari berish, Oʻzbekiston Respublikasining qonun hujjatlarida belgilangan bayram kunlari munosabati bilan mukofotlar toʻlash, mansab maoshlariga har oylik qoʻshimcha haq belgilash (ovqat va boshqa maqsadlarga), moddiy yordam koʻrsatish Oʻzbekiston Respublikasi mehnat va aholini ijtimoiy muhofaza qilish vaziri tomonidan tasdiqlanadigan Xodimlarni moddiy ragʻbatlantirish va ijtimoiy muhofaza qilish toʻgʻrisidagi nizomga muvofiq hamda ushbu Nizomning 10-bandida koʻrsatilgan Jamgʻarma mablagʻlarini tasarruf etuvchilarning buyruqlari asosida, tegishli Jamgʻarmalarning mablagʻlari hisobidan amalga oshiriladi.

13. Jamgʻarmadan xodimlarga ustama haq, mukofotlar belgilash va moddiy yordam koʻrsatish toʻgʻrisidagi qaror har bir mehnat va aholini ijtimoiy muhofaza qilish organida tashkil etiladigan maxsus komissiya tomonidan qabul qilinadi.

14. Oʻzbekiston Respublikasi bandlik va mehnat munosabatlari vaziri, Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahri bandlik hududiy bosh boshqarmalarining boshliqlari zarur hollarda Jamgʻarma mablagʻlarini Jamgʻarmaning daromad va xarajatlar smetasiga belgilangan tartibda tegishli oʻzgartishlar kiritgan holda, kuyi mehnat organlariga qaytadan taqsimlashlari mumkin.

15. Jamgʻarma mablagʻlari hisobidan qoʻshimcha xodimlarni saqlash man etiladi.

V. Hisob, hisobot va nazorat

16. Jamgʻarma mablagʻlarining tushumi va xarajatlari hisobi budjetdan tashqari boshqa mablagʻlardan, shu jumladan budjet tashkilotlarini rivojlantirish jamgʻarmasidan alohida yuritiladi.

17. Jamgʻarma mablagʻlari tushumi va xarajatlari toʻgʻrisidagi budjet mablagʻlari uchun belgilangan tartib va muddatlarda Oʻzbekiston Respublikasi Moliya vazirligiga taqdim etiladi.

18. Jamgʻarma mablagʻlarining maqsadli sarflanishi hamda ushbu mablagʻlarni shakllantirish va ulardan foydalanish toʻgʻrisida taqdim etiladigan maʼlumotlarning haqqoniyligi uchun mehnat organlarining rahbarlari shaxsan javobgar boʻladilar.

Jamgʻarma mablagʻlaridan maqsadga nomuvofiq foydalanish faktlari aniqlangan hollarda maqsadga nomuvofiq foydalanilgan summaning hammasi aybdor shaxslarga nisbatan qonun hujjatlarida belgilangan tartibda tegishli javobgarlik choralari qoʻllangan holda davlat budjeti daromadiga olib qoʻyiladi.

19. Jamgʻarma mablagʻlaridan toʻgʻri va maqsadli foydalanilishi ustidan nazorat Oʻzbekiston Respublikasi Bandlik va mehnat munosabatlari vazirligi va Moliya vazirligining Nazorat-taftish bosh boshqarmasi hamda uning hududiy organlari tomonidan amalga oshiriladi.