Toshkent viloyati hokimligi tuzilmasini yanada takomillashtirish va uning faoliyat samaradorligini oshirish toʻgʻrisida (PQ-536-son)

21.12.2006

Oʻzbekiston Respublikasi Prezidentining

Qarori

Toshkent viloyati mahalliy hokimiyat va boshqaruv organlari oldida turgan vazifalarni bajarish, qishloq xoʻjaligi boshqaruv tuzilmasini yanada takomillashtirish, agrar tarmoqdagi islohotlarni chuqurlashtirish maqsadida:

1. Toshkent viloyati hokimligi boshqaruv apparatining xodimlar cheklangan soni 48 kishidan iborat boʻlgan yangilangan tuzilmasi ilovaga* muvofiq tasdiqlansin.

* Ilova berilmaydi.

2. Oʻzbekiston Respublikasi Prezidentining 2005-yil 17-noyabrdagi PQ-223-sonli Qarori 1-bandining ikkinchi xatboshi, shuningdek mazkur Qarorning 1-ilovasi oʻz kuchini yoʻqotgan deb hisoblansin.

3. Ushbu Qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklatilsin.

Oʻzbekiston Respublikasining Prezidenti I. KARIMOV

Toshkent sh.,

2006-yil 21-dekabr,

PQ-536-son