Oʻzbekiston Respublikasi Oliy Majlisi Senati Kengashining qarorlarini tasdiqlash toʻgʻrisida (112-I-son)

03.12.2005

Oʻzbekiston Respublikasi Oliy Majlisi Senatining

Qarori

Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Senati Kengashining quyidagi qarorlari tasdiqlansin:

“Budjet va iqtisodiy islohotlar masalalari qoʻmitasi tarkibiga oʻzgartish kiritish toʻgʻrisida” 2005-yil 5-oktabrda qabul qilingan Qarori;

“Qonunchilik va sud-huquq masalalari qoʻmitasi tarkibiga oʻzgartish kiritish toʻgʻrisida” 2005-yil 5-oktabrda qabul qilingan Qarori;

“Mintaqaviy muammolarni umumdavlat manfaatlarini inobatga olgan holda hal etishning huquqiy mexanizmlari va taomillari toʻgʻrisida” 2005-yil 21-noyabrda qabul qilingan Qarori;

“Oʻzbekiston Respublikasi Oliy Majlisi Senatining Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlari bilan hamkorlik harakatlari toʻgʻrisida” 2005-yil 21-noyabrda qabul qilingan Qarori;

“Oʻzbekiston Respublikasi Oliy Majlisi palatalarining kelishuv komissiyasini tuzish va uning faoliyatini tashkil etish tartibini tasdiqlash toʻgʻrisida” 2005-yil 21-noyabrda qabul qilingan Qarori.

2. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi oʻrinbosari F. MUHITDINOVA

Toshkent sh.,

2005-yil 3-dekabr,

112–I-son