Ayrim turdagi tadbirkorlik faoliyati bilan shugʻullanayotgan yuridik va jismoniy shaxslar uchun qatʼiy belgilangan soliqni hisoblab chiqarish va toʻlash tartibi toʻgʻrisidagi nizomga oʻzgartirishlar kiritish haqida (1218-3-son)

13.03.2006

Oʻzbekiston Respublikasi Moliya vazirligi OʻZBEKISTON RESPUBLIKASI DAVLAT SOLIQ QOʻMITASINING

Qarori

[Oʻzbekiston Respublikasi Adliya vazirligi tomonidan 2006-yil 13-martda 1218-3-son bilan davlat roʻyxatidan oʻtkazilgan]

Oʻzbekiston Respublikasi Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi va Oʻzbekiston Respublikasi Prezidentining 2005-yil 27-dekabrdagi “Oʻzbekiston Respublikasining 2006-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ–244-son qaroriga (Oʻzbekiston Respublikasi Qonun hujjatlari toʻplami, 2005-y., 52-son, 386-modda) muvofiq qaror qilamiz:

1. Oʻzbekiston Respublikasi Moliya vazirligi va Davlat soliq qoʻmitasining 2003-yil 31-yanvardagi 24, 2003-19-son qarori bilan tasdiqlangan Ayrim turdagi tadbirkorlik faoliyati bilan shugʻullanayotgan yuridik va jismoniy shaxslar uchun qatʼiy belgilangan soliqni hisoblab chiqarish va toʻlash tartibi toʻgʻrisidagi nizomga (2003-yil 16-fevral, roʻyxat raqami 1218 — Meʼyoriy hujjatlar axborotnomasi, 2003-y., 4-son; Oʻzbekiston Respublikasi Qonun hujjatlari toʻplami, 2004-y., 6-son, 79-modda; 2005-yil, 5-6-son, 50-modda) ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgach kuchga kiradi.

Moliya vaziri R. AZIMOV

Toshkent sh.,

2006-yil 24-fevral,

24-son

Davlat soliq qoʻmitasi raisi B. PARPIYEV

Toshkent sh.,

2006-yil 24-fevral,

2006-6-son

Moliya vazirligi va Davlat soliq qoʻmitasining 24, 2006-6-son qaroriga ILOVA

Ayrim turdagi tadbirkorlik faoliyati bilan shugʻullanayotgan yuridik va jismoniy shaxslar uchun qatʼiy belgilangan soliqni hisoblab chiqarish va toʻlash tartibi toʻgʻrisidagi nizomga kiritilayotgan oʻzgartirishlar

1. 3-bandning beshinchi xatboshi quyidagi tahrirda bayon etilsin:

“ayrim turlardagi tovarlar bilan chakana savdo qilish huquqi uchun yigʻim (yuridik shaxslar uchun);”.

2. 8-bandning ikkinchi xatboshi chiqarib tashlansin.

3. 10-bandning oxirgi xatboshi quyidagi tahrirda bayon etilsin:

“S — qatʼiy belgilangan soliqning stavkasi.”.