“Oʻzbekiston Respublikasi Davlat gerbi toʻgʻrisida”gi Oʻzbekiston Respublikasining Qonunini amalga kiritish tartibi haqida (617-XII-son)

02.07.1992

Oʻzbekiston RespUblikasi OLIY Kengashining

Qarori

Oʻzbekiston Respublikasi Oliy Kengashi qaror qiladi:

1. “Oʻzbekiston Respublikasining Davlat gerbi toʻgʻrisida”gi Oʻzbekiston Respublikasining Qonuni qabul qilingan kundan boshlab amalga kiritiladi.

2. Belgilab qoʻyilsinki, avvalgi Davlat gerbi 1993-yilning 1-iyuliga qadar Oʻzbekiston Respublikasining yangi Davlat gerbiga almashtirilishi shart. Ana shu davr ichida avvalgi Davlat gerbidan foydalanishga yoʻl qoʻyiladi.

3. Oʻzbekiston Respublikasi Prezidenti huzuridagi Vazirlar Mahkamasiga:

— 1992-yil 15-avgustigacha boʻlgan muddatda Oʻzbekiston Respublikasining Davlat gerbini tayyorlash, shuningdek Oʻzbekiston Respublikasi Davlat gerbining tasviri tushirilgan muhrlar, hujjatlarning blankalarini tayyorlash, ulardan foydalanish, saqlash va yoʻqotib tashlash tartibini belgilash;

— Oʻzbekiston Respublikasi Hukumatining qarorlarini “Oʻzbekiston Respublikasining Davlat gerbi toʻgʻrisida”gi Oʻzbekiston Respublikasining Qonuniga muvofiqlashtirish topshirilsin.

4. Quyidagilar oʻz kuchini yoʻqotgan deb hisoblansin:

— Oʻzbekiston Respublikasi Oliy Kengashi Rayosatining “Oʻzbekiston Respublikasi Davlat gerbi toʻgʻrisidagi Nizomni tasdiqlash haqida”gi 1981-yil 30-iyuldagi Farmoni (Oʻzbekiston Respublikasi Oliy Kengashining Axborotnomasi, 1981-yil, № 22, 444-modda);

— Oʻzbekiston Respublikasining “Oʻzbekiston Respublikasi Oliy Kengashi Rayosatining “Oʻzbekiston Respublikasi Davlat gerbi toʻgʻrisidagi Nizomni tasdiqlash haqida”gi Farmonini tasdiqlash toʻgʻrisida”gi 1981-yil 27-noyabr Qonuni (Oʻzbekiston Respublikasi Oliy Kengashining Axborotnomasi, 1981-yil, № 33, 648-modda);

— Oʻzbekiston Respublikasi Oliy Kengashi Rayosatining “Oʻzbekiston Respublikasi Davlat gerbi tasviri tushirilgan pechatlardan va hujjatlarning blankalaridan foydalanish tartibi toʻgʻrisida”gi 1981-yil 30-iyul Farmoni (Oʻzbekiston Respublikasi Oliy Kengashining Axborotnomasi, 1981-yil, № 22, 447-modda);

— Oʻzbekiston Respublikasining “Oʻzbekiston Respublikasi Oliy Kengashi Rayosatining “Oʻzbekiston Respublikasi Davlat gerbi tasviri tushirilgan pechatlardan va hujjatlarning blankalaridan foydalanish tartibi toʻgʻrisida”gi Farmonini tasdiqlash haqida”gi 1981-yil 27-noyabr Qonuni (Oʻzbekiston Respublikasi Oliy Kengashining Axborotnomasi, 1981-yil, № 33, 650-modda).

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1992-yil 2-iyul,

617-XII-son