Oʻrta maxsus, kasb-hunar taʼlimi tizimi rahbarlar tarkibini, pedagog va muhandis-pedagog kadrlarni attestatsiyadan oʻtkazish toʻgʻrisidagi nizomga oʻzgartirishlar kiritish haqida (1094-1-son)

14.05.2002

Oʻzbekiston Respublikasi Oliy va oʻrta maxsus taʼlim vazirligi, Oʻrta maxsus, kasb-hunar taʼlimi markazining Oʻzbekiston Respublikasi Vazirlar Mahkamasi huzuridagi Davlat test markazining Oʻzbekiston Respublikasi Mehnat va aholini ijtimoiy muhofaza qilish vazirligining

Qarori

[Oʻzbekiston Respublikasi Adliya vazirligi tomonidan 2002-yil 14-mayda 1094-1-son bilan davlat roʻyxatidan oʻtkazilgan]

Oʻzbekiston Respublikasi Vazirlar Mahkamasining 1998-yil 11-martdagi 109-son “Davlat test markazi tarkibida Kadrlar tayyorlash sifatini nazorat qilish, pedagog kadrlar va taʼlim muassasalari attestatsiyasi boshqarmasini tashkil etish toʻgʻrisida”gi qaroriga muvofiq Boshqarma zimmasiga yuklatilagan vazifalarni toʻliq amalga oshirish va attestatsiya jarayonini takomillashtirish maqsadida Oʻzbekiston Respublikasi Oliy va oʻrta maxsus taʼlim vazirligi Oʻrta maxsus, kasb-hunar taʼlimi markazi, Oʻzbekiston Respublikasi Vazirlar Mahkamasi huzuridagi Davlat test markazi va Oʻzbekiston Respublikasi Mehnat va aholini ijtimoiy muhofaza qilish vazirligi qaror qiladi:

1. “Oʻrta maxsus, kasb-hunar taʼlimi tizimi rahbarlar tarkibini, pedagog va muhandis-pedagog kadrlarni attestatsiyadan oʻtkazish toʻgʻrisida Nizom”ga (roʻyxat raqami 1094, 4.01.2002-y.) ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan keyin kuchga kiradi.

Oliy va oʻrta maxsus taʼlim vazirligi, Oʻrta maxsus, kasb-hunar taʼlimi markazi rahbari J. XUSANOV

Toshkent sh.,

2002-yil 29-aprel,

10-son

Oʻzbekiston Respublikasi Vazirlar Mahkamasi huzuridagi Davlat test markazi direktori M. MUHITDINOV

Toshkent sh.,

2002-yil 29-aprel,

293-son

Oʻzbekiston Respublikasi Mehnat va aholini ijtimoiy muhofaza qilish vaziri O. OBIDOV

Toshkent sh.,

2002-yil 29-aprel,

22-son

Oʻzbekiston Respublikasi Oliy va oʻrta maxsus taʼlim vazirligi, Oʻrta maxsus, kasb-hunar taʼlimi markazi, Oʻzbekiston Respublikasi Vazirlar Mahkamasi huzuridagi Davlat test markazi, Oʻzbekiston Respublikasi Mehnat va aholini ijtimoiy muhofaza qilish vazirligining 2002-yil 29-apreldagi 10-son, 293-son va 22-son qarori bilan TASDIQLANGAN

Oʻrta maxsus, kasb-hunar taʼlimi tizimi rahbarlar tarkibini, pedagog va muhandis-pedagog kadrlarni attestatsiyadan oʻtkazish toʻgʻrisida nizomga kiritilayotgan

oʻzgartirishlar

1. 6-bandda “oʻrta maxsus, kasb-hunar taʼlimi hududiy boshqarmasining” soʻzlari “Davlat test markazining” soʻzlari bilan almashtirilsin.

2. 7-bandda “Komissiya raisi Boshqarma ekspertlaridan, kotibi Oʻzbekiston Respublikasi Oliy va oʻrta maxsus taʼlim vazirligi Oʻrta maxsus, kasb-hunar taʼlimi markazi (Markaz) mutaxassislaridan tayinlanadi” soʻzlari “Komissiya raisi va kotibi Boshqarma ekspertlaridan, komissiya raisining oʻrinbosari esa Oʻzbekiston Respublikasi Oliy va oʻrta maxsus taʼlim vazirligi Oʻrta maxsus, kasb-hunar taʼlimi markazi (Markaz) mutaxassislaridan tayinlanadi” soʻzlari bilan almashtirilsin.