Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi nizomni tasdiqlash haqida (1652-son)

09.01.2007

OʻZBEKISTON AVTOMOBIL VA DARYO TRANSPORTI AGENTLIGI OʻZBEKISTON RESPUBLIKASI OLIY VA OʻRTA MAXSUS TAʼLIM VAZIRLIGINING OʻRTA MAXSUS, KASB-HUNAR TAʼLIM MARKAZI OʻZBEKISTON RESPUBLIKASI ICHKI ISHLAR VAZIRLIGINING

Qarori

[Oʻzbekiston Respublikasi Adliya vazirligi tomonidan 2007-yil 9-yanvarda 1652-son bilan davlat roʻyxatidan oʻtkazildi ]

Oʻzbekiston Respublikasi Vazirlar Mahkamasining 2006-yil 2-avgustdagi “Oʻzbekiston Respublikasi avtomototransport vositalarini va shahar elektr transporti vositalarini boshqarish huquqini berish, haydovchilarni tayyorlash va qayta tayyorlash tartibini takomillashtirish choralari toʻgʻrisida”gi 156-son qarorini bajarish maqsadida, qaror qilamiz:

1. “Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisida”gi nizom ilovaga muvofiq tasdiqlansin.

2. Yagona namunadagi guvohnomalar Oʻzbekiston avtomobil transporti agentligining “Avtomobil transporti xodimlarini malakasini oshirish va qayta tayyorlash instituti” DKni buyurtmasiga asosan, “Davlat belgisi” birlashmasining Toshkent shahar bosma fabrikasida, bosma usulda tayyorlansin.

3. Ushbu qaror Oʻzbekiston Respublikasi Adliya vazirligidan davlat roʻyxatidan oʻtkazilgan kunidan 10 kun oʻtgandan keyin amalga kiritilsin.

Oʻzbekiston avtomobil va daryo transporti agentligining boshligʻi A. ABDUVALIYEV

Toshkent sh.,

2006-yil 27-dekabr,

6-son

Vazirning birinchi oʻrinbosari, Oliy va oʻrta maxsus taʼlim vazirligining Oʻrta maxsus, kasb-hunar taʼlim markazi direktori A. KARIMOV

Toshkent sh.,

2006-yil 27-dekabr,

48/QB-son

Ichki ishlar vaziri B. MATLYUBOV

Toshkent sh.,

2006-yil 27-dekabr,

11-son

Oʻzbekiston avtomobil va daryo transporti agentligi, Oliy va oʻrta maxsus taʼlim vazirligining Oʻrta maxsus, kasb-hunar taʼlim markazi, Ichki ishlar vazirligining 2006-yil 27-dekabrdagi 6, 48/QB, 11-son qarori bilan TASDIQLANGAN

Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi

nizom

Mazkur Nizom Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga yagona namunadagi guvohnoma berish tartibini belgilaydi.

I. Umumiy qoidalar

1. Oʻzbekiston Respublikasida avtomototransport vositalari va shahar elektr transporti vositalarini haydovchilarini tayyorlash va qayta tayyorlash Oʻzbekiston Respublikasi Vazirlar Mahkamasining 2018-yil 31-maydagi 408-son qarori bilan tasdiqlangan “Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish tartibi toʻgʻrisida”gi nizomga muvofiq amalga oshiriladi.

2. Haydovchilikka nomzodlarni tayyorlash va qayta tayyorlash bilan shugʻullanadigan taʼlim muassasalarining (keyingi oʻrinlarda matnda — taʼlim muassasasi) imtihon va sinovlaridan muvaffaqiyatli oʻtgan nomzodlarga oʻqishni bitirganliklari haqida yagona namunadagi guvohnoma beriladi (mazkur Nizomning 1-ilovasi).

3. Guvohnoma taʼlim muassasasida tashkil etiladigan komissiya bayonnomasiga asosan beriladi.

Komissiya taʼlim muassasasi rahbarining buyrugʻiga asosan, rais va ikki kishidan iborat tarkibda tuziladi. Qoʻshimcha ravishda komissiya aʼzolari tarkibiga muhandis-oʻqituvchilar, ishlab chiqarish ustalari, agar haydovchilar tashkilotlar uchun tayyorlanayotgan boʻlsa, shu tashkilotning vakili ham kiritilishi mumkin.

4. Imtihonlar natijasi haqida imtihon komissiyasi raisi va aʼzolari tomonidan bayonnoma toʻldiriladi, soʻngra taʼlim muassasasi rahbari tomonidan imzolanadi.

5. Guvohnoma blankalari Oʻzbekiston Respublikasi Transport vazirligining (keyingi oʻrinlarda matnda — vazirlik) Avtomobil transporti xodimlarini malakasini oshirish va qayta tayyorlash instituti (keyingi oʻrinlarda matnda — institut) buyurtmasi asosida tayyorlanadi.

6. Guvohnoma blankalari institutning taqsimotiga asosan, taʼlim muassasalarga “maxsus hududiy kod”lar asosida vazirlikning hududiy boshqarmalari tomonidan yetkazib beriladi (mazkur Nizomning 2-ilovasi).

II. Guvohnomani tayyorlash, uning texnik tavsifi, saqlash va sarflash tartibi

7. Guvohnomalar taʼlim muassasasi buyurtmalariga asosan institut tomonidan taʼminlanadi.

Institut buyurtmasiga asosan guvohnomalar “Davlat belgisi” birlashmasining Toshkent shahar bosma fabrikasida bosma usulda tayyorlanadi.

8. Guvohnomaning tashqi koʻrinishida Oʻzbekiston Respublikasining Davlat gerbi ifodalanadi, ichki koʻrinishida esa, guvohnomaning hududiy kodi, seriyasi va roʻyxat raqami, taʼlim muassasasining nomi, nomzodning familiyasi, ismi, otasining ismi, oʻqish muddati, oʻquv dasturining nomi, imtihon topshirgan fanlarning nomi, imtihon natijasiga koʻra olgan bahosi hamda berilgan haydovchilik guvohnomasining seriyasi va roʻyxat raqami yoziladi.

9. Guvohnomalarni kirim va chiqimlari taʼlim muassasasining hisobot daftarlarida qayd qilib boriladi.

10. Guvohnoma blankalari qatʼiy hisobot hujjatlari toifasiga kiritiladi va oʻrnatilgan tartibda saqlanadi.

11. Guvohnomani toʻldirish jarayonida tuzatishlar va oʻzgartirishlar kiritish qatʼiyan man qilinadi.

12. Toʻldirish jarayonida buzilgan guvohnomalarni qayta ishlatilmaslik uchun ularning kodi, seriyasi va roʻyxat raqami qirqib olinib, taʼlim muassasasining maxsus komissiyasi tomonidan yoqish yoʻli bilan yoʻq qilinadi. Taʼlim muassasasining taftish komissiyasi bu haqda dalolatnoma tuzib, unga guvohnomaning qirqib olingan kodi, seriyasi va roʻyxat raqami yopishtirib qoʻyiladi.

13. Guvohnoma yoʻqolib qolgan hollarda haydovchilikka nomzod taʼlim muassasasi rahbari nomiga yozma ravishda ariza bilan murojaat qiladi. Nomzodning arizasi va imtihon komissiyasining bayonnomasiga asosan, taʼlim muassasasi tomonidan guvohnomaning dublikati beriladi. Bunda taʼlim muassasasining qayd daftariga “Dublikat” deb yozuv kiritiladi.

Maxsus Hududiy kodlar:

(Oʻzbekiston Respublikasi qonun hujjatlari toʻplami, 2007-y., 1-2-son, 18-modda; 2012-y., 32-son, 386-modda; Qonun hujjatlari maʼlumotlari milliy bazasi, 08.09.2018-y., 10/18/1652-2/1853-son; 02.05.2020-y., 10/20/1652-3/0531-son)