“Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” investitsiya loyihasini amalga oshirish chora-tadbirlari toʻgʻrisida (PQ-553-son)

03.01.2007

Oʻzbekiston Respublikasi Prezidentining

Qarori

“Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” investitsiya loyihasini Xitoy Xalq Respublikasi (XXR) Hukumati tomonidan SHHT mamlakatlariga beriladigan imtiyozli kredit mablagʻlaridan foydalangan holda amalga oshirish maqsadida:

1. Quyidagilar maʼlumot uchun qabul qilinsin:

Xitoy Xalq Respublikasi Hukumati Oʻzbekiston Respublikasiga “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” investitsiya loyihasini “tayyor holda topshirish” sharti bilan (birinchi bosqich) amalga oshirish uchun SHHT mamlakatlariga beriladigan, muddati 20 yil boʻlgan, besh yil imtiyozli davrni hisobga olgan holda, 17 293 502,35 AQSH dollariga teng imtiyozli kredit liniyasini ajratdi;

Oʻzbekiston “Oʻzkommunxizmat” agentligi belgilangan tartibda oʻtkazilgan tanlov asosida Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash boʻyicha ishlarni “tayyor holda topshirish” shartlari asosida bajarish uchun Xitoyning “China National Machinery Import & Export Corporation (CMC)” korporatsiyasi bilan “II YAN” MCHJ xorijiy korxonasi konsorsiumida 17293502,35 AQSH dollariga teng boʻlgan shartnoma tuzdi;

Xitoyning “China National Machinery Import & Export Corporation” korporatsiyasi “II YAN” MCHJ xorijiy korxonasi konsorsiumida mazkur shartnoma boʻyicha oʻrnatiladigan sovuq va issiq suv hisoblagich asbob-uskunalarining kafolatli va servis xizmati koʻrsatilishini taʼminlaydi.

2. Belgilansinki, shartnomani moliyalashtirish XXR Eksimbankining 17293502,35 AQSH dollariga teng boʻlgan kredit mablagʻlarini qayta moliyalash yoʻli bilan “Ipoteka-bank” aksiyadorlik tijorat ipoteka bankining krediti hisobidan amalga oshiriladi.

3. Quyidagilar:

“tayyor holda topshirish” sharti bilan (birinchi bosqich) “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” loyihasining asosiy texnik-iqtisodiy koʻrsatkichlari 1-ilovaga muvofiq;

“tayyor holda topshirish” sharti bilan (birinchi bosqich) “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” loyihasi boʻyicha XXR kreditini toʻlash prognoz jadvali 2-ilovaga muvofiq;

“Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” loyihasini amalga oshirish doirasida koʻp xonadonli va yakka tartibdagi turar-joy binolarida sovuq va issiq suv hisoblagich uzellarini sotib olish, oʻrnatish va ishga tushirish tartibi toʻgʻrisidagi nizom 3-ilovaga muvofiq;

4. Belgilab qoʻyilsinki:

Oʻzbekiston “Oʻzkommunxizmat” agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining hududiy suv taʼminoti va issiqlik taʼminoti korxonalari kredit mablagʻlaridan maqsadli va samarali foydalanish hamda loyihaning oʻz vaqtida amalga oshirilishi uchun javobgar boʻlgan ijro etuvchi agentliklar hisoblanadi.

5. “Ipoteka-bank” aksiyadorlik tijorat ipoteka banki mazkur shartnoma asosida loyihani moliyalashtirish uchun:

XXR Eksimbanki bilan yakka tartibdagi qarz bitimini;

Oʻzbekiston “Oʻzkommunxizmat” agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining hududiy suv taʼminoti va issiqlik taʼminoti korxonalari bilan XXR Eksimbanki kredit mablagʻlarini qayta moliyalash boʻyicha kredit shartnomasini tuzsin.

6. Oʻzbekiston Respublikasi Moliya vazirligi, Iqtisodiyot vazirligi Oʻzbekiston “Oʻzkommunxizmat” agentligi, boshqa manfaatdor vazirliklar va idoralar bilan birgalikda bir oy muddatda jalb etiladigan kredit mablagʻlariga oʻz vaqtida xizmat koʻrsatishni taʼminlaydigan sovuq va issiq suvni hisobga olish uzellarini oʻrnatishga sarflangan mablagʻlarni qaytarish tartibi toʻgʻrisidagi nizomni belgilangan tartibda ishlab chiqsin va tasdiqlasin.

7. Oʻzbekiston “Oʻzkommunxizmat” agentligi bosh direktori, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari zimmasiga:

Vazirlar Mahkamasining 2006-yil 8-dekabrdagi 166-sonli qarori bilan tasdiqlangan Uy-joy fondini (koʻp qavatli uylar va shaxsiy xonadonlarni) 2008-yilning 1-iyuligacha sovuq va issiq suv hisoblagich asbob-uskunalari bilan taʼminlash dasturining bajarilishi;

aholiga suv hisoblagich asbob-uskunalari oʻrnatish boʻyicha manzilli roʻyxat va jadvallarni bir oy muddatda ishlab chiqish va tasdiqlash hamda tegishli hududdagi uy-joy fondini sovuq va issiq suv hisoblagich asbob-uskunalari bilan jihozlash boʻyicha suv taʼminoti va issiqlik taʼminoti hududiy korxonalari tomonidan “Oʻzkommunxizmat” agentligi bilan shartnomalar tuzilishi;

suvni hisobga olish uzellari oʻrnatilgani uchun aholidan mablagʻlarni oʻz vaqtida qaytarish uchun shaxsiy javobgarlik yuklansin.

8. Oʻzbekiston Respublikasi moliya vaziri “Ipoteka-bank” aksiyadorlik tijorat ipoteka bankining XXR Eksimbanki oldidagi toʻlov majburiyatlari boʻyicha belgilangan tartibda Oʻzbekiston Respublikasi nomidan kafolat berishga vakil etib tayinlansin.

9. Oʻzbekiston Respublikasi Adliya vazirligi yakka tartibdagi qarz Bitimi bilan belgilangan shaklda Oʻzbekiston Respublikasi kafolati boʻyicha belgilangan tartibda yuridik xulosa bersin.

10. Quyidagilar:

XXR Eksimbanki, sugʻurta agentliklari va xorijiy kompaniyalar mazkur loyihani amalga oshirish doirasida Oʻzbekiston Respublikasi hududida toʻlov manbaidan undirilib olinadigan daromad (foyda) soligʻi toʻlashdan;

“II YAN” MCHJ xorijiy korxonasi mazkur loyihani amalga oshirish doirasida sotib olinadigan import boʻyicha olib kelinadigan tovarlar (ishlar, xizmatlar) loyiha amalga oshiriladigan davrda bojxona toʻlovlari toʻlashdan (bojxona rasmiylashtiruvi yigʻimlaridan tashqari), shuningdek davlatning maqsadli jamgʻarmalariga toʻlanadigan barcha turdagi soliqlardan, shu jumladan majburiy toʻlovlar (ajratmalar) toʻlashdan ozod etilsin (yagona ijtimoiy toʻlov, Respublika yoʻl fondi, Pensiya jamgʻarmasi va Maktab taʼlimini rivojlantirish jamgʻarmasiga toʻlanadigan ajratmalar bundan mustasno).

11. Oʻzbekiston Respublikasi Tashqi ishlar vazirligi Oʻzbekiston “Oʻzkommunxizmat” agentligining talabnomalariga koʻra, loyihani amalga oshirishda ishtirok etayotgan xorijiy mutaxassislarning kirish vizalari konsullik yigʻimi undirib olinmasdan belgilangan tartibda rasmiylashtirilishini taʼminlasin.

Oʻzbekiston Respublikasi Ichki ishlar vazirligi Oʻzbekiston “Oʻzkommunxizmat” agentligining talabnomalariga koʻra, loyihani amalga oshirishda ishtirok etayotgan xorijiy mutaxassislarga koʻp martalik vizalar berish va ularning muddatini uzaytirish, shuningdek vaqtincha roʻyxatda turish va uning muddatini uzaytirishni taʼminlasin hamda ular davlat boji toʻlashdan ozod qilinsin.

12. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2007-yil 3-yanvar,

PQ-553-son

Oʻzbekiston Respublikasi Prezidentining 2007-yil 3-yanvardagi PQ-553-son qaroriga 1-ILOVA

“Tayyor holda topshirish” sharti bilan (birinchi bosqich) “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” loyihasining asosiy texnik-iqtisodiy koʻrsatkichlari

ming AQSH dollari T/r Koʻrsatkichlar nomlanishi Jami shu jumladan: XXR Hukumati krediti “Oʻzkommunxizmat” agentligi va hududiy suv taʼminoti va issiqlik taʼminoti korxonalari mablagʻlari 1. Loyihaning umumiy qiymati 17 427,494 17 293,502 133,992* shu jumladan: 1.1. Erkin konvertatsiyalanadigan valyutada, jami 17 417,433 17 293,502 123,931 shundan, quyidagilarga: sovuq va issiq suv hisoblagich asbob-uskunalarini xarid qilish va oʻrnatishga 17 293,502 17 293,502 0,0 investitsiya davrining dastlabki 6 oyi uchun kredit boʻyicha foizlarni toʻlashga 57,234 0,0 57,234 investitsiya davrining dastlabki 6 oyi uchun kredit boʻyicha komissiyalarni toʻlashga 66,697 0,0 66,697 1.2. Milliy valyutadagi sarf-xarajatlar (ekvivalentda), jami 10,061 0,0 10,061 shundan, quyidagilarga: investitsiya davrining dastlabki 6 oyi uchun qayta moliyalashtirish boʻyicha komissiyalarga 5,723 0,0 5,723 investitsiya davrining dastlabki 6 oyi uchun konvertatsiya boʻyicha komissiyalarga 0,630 0,0 0,630 investitsiya davrining dastlabki 6 oyi uchun kafolat boʻyicha toʻlovga 3,708 0,0 3,708 2. Oʻrnatiladigan sovuq va issiq suv hisoblagich asbob-uskunalarining soni 1 136 393 dona 3. Loyihani amalga oshirish muddati 2007-yil 4. Kreditni soʻndirish muddati 20 yil

* Investitsiya davrining dastlabki olti oyida komissiya va kafolat boʻyicha toʻlovlarni toʻlash keyinchalik “Oʻzkommunxizmat” agentligi va hududiy suv taʼminoti va issiqlik taʼminoti korxonalarining hisobidan birinchi navbatda soʻndirilgan holda “Ipoteka-bank” ATIB tomonidan amalga oshiriladi.

Oʻzbekiston Respublikasi Prezidentining 2007-yil 3-yanvardagi PQ-553-son qaroriga 2-ILOVA

“Tayyor holda topshirish” sharti bilan (birinchi bosqich) “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” loyihasi boʻyicha XXR kreditini toʻlashning

PROGNOZ JADVALI

Kredit summasi 17 293,502 ming AQSH dollari Kreditni soʻndirish muddati 20 yil Imtiyozli davr 5 yil Foiz stavkasi 2 foiz + 0,2 foiz (mahalliy banki marjasi) Majburiyat uchun komissiya kreditning foydalanilmagan summasidan yillik 0,3 foiz Boshqaruv uchun komissiya kredit summasidan 0,3 foiz (ming AQSH dollari) Toʻlov muddatlari Asosiy qarzni soʻndirish* Toʻlovlar** Jami toʻlanadigan summa kredit uchun foizlar boʻyicha boshqaruv uchun komissiyalar boʻyicha majburiyat uchun komissiyalar boʻyicha Jami 2007-yil 1-yarim yillik 62,958 51,881 14,816 129,654 129,654 2007-yil 2-yarim yillik 144,440 4,460 148,900 148,900 2008-yil 1-yarim yillik 190,229 190,229 190,229 2008-yil 2-yarim yillik 190,229 190,229 190,229 2009-yil 1-yarim yillik 190,229 190,229 190,229 2009-yil 2-yarim yillik 190,229 190,229 190,229 2010-yil 1-yarim yillik 190,229 190,229 190,229 2010-yil 2-yarim yillik 190,229 190,229 190,229 2011-yil 1-yarim yillik 190,229 190,229 190,229 2011-yil 2-yarim yillik. 190,229 190,229 190,229 2012-yil 1-yarim yillik 576,450 190,229 190,229 766,679 2012-yil 2-yarim yillik 576,450 183,888 183,888 760,338 2013-yil 1-yarim yillik 576,450 177,547 177,547 753,997 2013-yil 2-yarim yillik 576,450 171,206 171,206 747,656 2014-yil 1-yarim yillik 576,450 164,865 164,865 741,315 2014-yil 2-yarim yillik 576,450 158,524 158,524 734,974 2015-yil 1-yarim yillik 576,450 152,183 152,183 728,633 2015-yil 2-yarim yillik 576,450 145,842 145,842 722,292 2016-yil 1-yarim yillik 576,450 139,501 139,501 715,951 2016-yil 2-yarim yillik 576,450 133,160 133,160 709,610 2017-yil 1-yarim yillik 576,450 126,819 126,819 703,269 2017-yil 2-yarim yillik 576,450 120,478 120,478 696,928 2018-yil 1-yarim yillik 576,450 114,137 114,137 690,587 2018-yil 2-yarim yillik 576,450 107,796 107,796 684,246 2019-yil 1-yarim yillik 576,450 101,455 101,455 677,905 2019-yil 2-yarim yillik 576,450 95,114 95,114 671,564 2020-yil 1-yarim yillik 576,450 88,773 88,773 665,223 2020-yil 2-yarim yillik 576,450 82,432 82,432 658,882 2021-yil 1-yarim yillik 576,450 76,091 76,091 652,541 2021-yil 2-yarim yillik 576,450 69,750 69,750 646,201 2022-yil 1-yarim yillik 576,450 63,410 63,410 639,860 2022-yil 2-yarim yillik 576,450 57,069 57,069 633,519 2023-yil 1-yarim yillik 576,450 50,728 50,728 627,178 2023-yil 2-yarim yillik 576,450 44,387 44,387 620,837 2024-yil 1-yarim yillik 576,450 38,046 38,046 614,496 2024-yil 2-yarim yillik 576,450 31,705 31,705 608,155 2025-yil 1-yarim yillik 576,450 25,364 25,364 601,814 2025-yil 2-yarim yillik 576,450 19,023 19,023 595,473 2026-yil 1-yarim yillik 576,450 12,682 12,682 589,132 2026-yil 2-yarim yillik 576,450 6,341 6,341 582,791 Jami 17293,502 4677,768 51,881 19,276 4 748,924 22 042,426

* Asosiy qarzni toʻlashning birinchi sanasi kredit bitimi kuchga kirgan sanaga bogʻliq.

** Komissiyalar va foizlar yetkazib berilgan mablagʻ (kredit olinishi)ning haqiqiy summasi va sanasiga hamda kredit bitimi kuchga kirgan sanaga bogʻliq.

*** Kreditni olish davri prognoz xarakterga ega boʻlib, kredit bitimi kuchga kirgan sanaga bogʻliq.

Oʻzbekiston Respublikasi Prezidentining 2007-yil 3-yanvardagi PQ-553-son qaroriga 3-ILOVA

“Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” loyihasini amalga oshirish doirasida koʻp xonadonli va yakka tartibdagi turarjoy binolarida sovuq va issiq suv hisoblagich uzellarini sotib olish, oʻrnatish va ishga tushirish tartibi toʻgʻrisidagi

NIZOM

I. Umumiy qoidalar

1. Mazkur Nizom koʻp xonadonli va yakka tartibdagi turarjoy binolarida sovuq va issiq suv hisoblagich uzellarini sotib olish, oʻrnatish va ulardan foydalanish, shuningdek, “Oʻzkommunxizmat” agentligi, “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” loyihasining ijrochisi — “II YAN” MCHJ (Toshkent shahri) xorijiy korxonasi konsorsiumiga kiruvchi Xitoyning “China National Machinery Import & Export Corporation (CMC)” korporatsiyasi, sovuq va issiq suv yetkazib beruvchilar hamda xizmatlarning isteʼmolchilari oʻrtasidagi oʻzaro hisob-kitoblar tartibini belgilaydi.

2. Ushbu Nizomda quyidagi atamalar va tushunchalardan foydalaniladi:

suv hisoblagichlar — quvurlar kesimi orqali oʻtadigan suvning real hajmini bevosita miqdoriy oʻlchaydigan, Oʻzbekiston Respublikasida qabul qilingan oʻlchov birliklarida ifodalangan shkalaga ega boʻlgan, suvning turli miqdoriy oqimlarini oʻlchash uchun zarur va yetarli gradatsiyalar boʻyicha ishlab chiqariladigan, texnika xavfsizligi, foydalanish, taʼmirlashga yaroqlilik, almashtirish, qurilmalar indikatorlarini bemalol ochish boʻyicha texnik shartlar talablariga javob beradigan sovuq va issiq suv hisoblagich asbob-uskunalari;

suvni yetkazib beruvchi — sovuq va issiq suvni bevosita isteʼmolchiga yetkazib beruvchi suv taʼminoti va issiqlik taʼminoti korxonalari;

loyihaning ijrochisi — “II YAN” MCHJ xorijiy korxonasi konsorsiumiga kiruvchi Xitoyning “China National Machinery Import & Export Corporation” (SMS) korporatsiyasi;

isteʼmolchi — turarjoy binosiga nisbatan mulk huquqiga ega boʻlgan jismoniy shaxs;

suvni hisobga olish uzeli — isteʼmolchi suv taʼminot tizimiga oʻrnatiladigan va quyidagi tarkibiy qismlardan (suv oqimi yoʻnalishi boʻyicha) iborat boʻlgan qurilma: Oʻzbekiston Respublikasida muvofiqlik sertifikatiga ega boʻlgan sharsimon kran, filtr, suv hisoblagich va teskari klapan-vkladish.

3. Sovuq va issiq suvni hisobga olish uzellarini moliyalashtirish, xarid qilish, oʻrnatish va ishlatish ushbu Nizomga ilovada keltirilgan sxemaga muvofiq amalga oshiriladi.

II. Suv hisoblagichlarga va ularni oʻrnatish shartlariga qoʻyiladigan texnik talablar

4. Suv hisoblagichlarning ishlatiladigan turlari.

4.1. Suv taʼminoti tizimida isteʼmolchilarga quruq turdagi, bir torli, parrakli, parrak va summator oʻrtasida magnitli uzatma orqali hisobga olish mexanizmi (summator)ni 360 gradusga toʻgʻrilash imkoniyatiga ega boʻlgan suv hisoblagichlar oʻrnatiladi.

4.2. Suv hisoblagichlarning ishchi holati gorizontal yoki gorizontal va vertikal boʻlishi lozim.

Gorizontal ishchi holat (“N” belgisi) deganda hisoblagichni suv oʻtkazish quvurining gorizontal qismiga shkalani gorizontal holatda oʻrnatish tushuniladi.

Vertikal ishchi holat (“V”) deganda hisoblagichni suv oʻtkazish quvurining gorizontal qismiga shkalani vertikal holatda oʻrnatish yoki hisoblagichni quvurning vertikal qismiga oʻrnatish tushuniladi.

5. Suv hisoblagichlar materiali va tuzilishi.

5.1. Suv hisoblagichlar quyidagi materiallardan tayyorlangan boʻlishi kerak:

mexanik taʼsirlarga chidamlilik talablariga javob beradigan;

ishchi harorat diapazoni doirasida suv harorati oʻzgarishlariga bardoshli boʻlgan;

ichki va tashqi zanglanishga uchramaydigan;

ishlab chiqaruvchi mamlakatlar va Oʻzbekiston Respublikasi Sogʻliqni saqlash vazirligi tomonidan suv taʼminoti tizimlaridagi materiallarga qoʻyilgan talablarga muvofiq keladigan.

5.2. Suv hisoblagichlarning hisoblash qurilmalari shaffof material bilan himoyalangan boʻlishi kerak. Tegishli qopqoq qoʻshimcha himoya boʻlib xizmat qilish mumkin.

5.3. Suv hisoblagichlar undagi hisoblash qurilmasi oynasida namlik yigʻilishining oldini oluvchi qurilma bilan jihozlangan boʻlishi kerak.

5.4. Suvning oʻlchanadigan hajmi rolikli va strekali koʻrsatkichlar asosida aniqlanishi kerak. Bunda, suv hisoblagichlarning hisoblash mexanizmlarida sakkizta rolikli koʻrsatkich boʻlishi lozim.

5.5. Suv hisoblagichlarning hisoblash mexanizmi oʻlchanadigan suvdan magnitlanmaydigan toʻsiq bilan germetik ajratilgan boʻlishi kerak (quruq mexanizm). Suv hisoblagich hisoblash mexanizmining shkalasi metrologiya tekshiruvlarida oʻtkazish xususiyatini oshirishni taʼminlovchi yulduzcha (abtyurator)ga ega boʻlishi kerak.

5.6. Suv hisoblagich konstruksiyasida magnitli birikmani tashqi taʼsirdan himoyalovchi poʻlat halqa (antimagnit) oʻrnatilgan boʻlishi kerak.

6. Suv hisoblagichlarga qoʻllaniladigan standartlar.

6.1. Suv hisoblagichlar ruxsat etiladigan oʻlchov diapazonida ISO 4064 standartiga muvofiq boʻlishi lozim.

6.2. Suv hisoblagichlarni tayyorlash uchun butlovchi qismlar ISO 9001 sifatni boshqarish tizimlari sertifikatiga ega boʻlgan ishlab chiqaruvchi kompaniyalardan xarid qilinishi lozim.

6.3. Tayyorlovchi zavodda suv hisoblagichlar sifat xususiyatlarini tekshirish boʻyicha oʻtkazilgan gidravlik va boshqa sinovlar parametrlari (xatoliklarning yoʻl qoʻyiladigan chegarasida) ular oʻrnatilgandan soʻng kamida 10 (oʻn) yil mobaynida tasdiqlanishi kerak.

6.4. Suv hisoblagichga kafolat muddati u oʻrnatilgandan soʻng belgilanadi va kamida 4 yil boʻlishi kerak.

7. Ishchi harorat chegarasi.

7.1. Sovuq suv hisoblagichining ishchi harorati 5 — 30 gradus oraligʻidagi chegarada boʻlishi kerak. Haroratning qisqa muddat davomida 40 gradusgacha oshishiga yoʻl qoʻyiladi.

7.2. Issiq suv hisoblagichi uzluksiz 30 — 90 gradus haroratga chidamli boʻlishi kerak va haroratning qisqa muddat davomida 95 gradusgacha oshishiga yoʻl qoʻyiladi.

8. Ishchi bosim.

Sovuq suv va issiq suv hisoblagichlarining ishchi bosimi — 1 MPa (10 bar).

9. Bosimni yoʻqotish.

Suv hisoblagichlarda, shu jumladan filtrda (agar filtr suv hisoblagich bilan bir butun boʻlsa) bosimni yoʻqotish maksimal suv sarfida 105 Pa (1 bar) dan oshmasligi kerak.

10. Tamgʻa va yozuvlar.

Suv hisoblagich korpusidagi yozuvlar (yaʼni korpusning oʻzidagi, qopqoqlardagi yozuvlar bundan mustasno) aniq, oʻchib ketmaydigan va odatiy sharoitda oʻrnatilganda oson oʻqiladigan boʻlishi shart.

Yozuvda quyidagilar boʻlishi kerak:

a) hajm birligi — m3 (hisoblash qurilmasiga yaqinroq)

b) maksimal suv sarfi — Qmax

v) ishlab chiqaruvchi korxona nomi yoki tovar belgisi;

g) zavod raqami (hisoblash qurilmasiga imkon qadar yaqinroq)

d) suv oqimi yoʻnalishi (suv hisoblagich korpusining har ikki tomonida koʻrsatiladi yoki oqim yoʻnalishi koʻrsatkichi har qanday holatda aniq koʻrinib turgan taqdirda faqat bir tomonida koʻrsatiladi);

e) agar ishchi bosim 1 MPa (10 bar)dan oshsa, uning maksimal bosimi;

j) ishchi harorat, agar u 30 gradusdan oshsa;

z) hisoblagichning ishchi holati belgisi — “N” yoki “V”;

i) Oʻzbekiston Respublikasining oʻlchov vositalari davlat reyestri belgisi va muvofiqlik belgisi (belgilar har bir buyumning pasportiga ham qayd etilishi mumkin).

Olinadigan qopqoqqa tamgʻa va yozuv tushirilmaydi.

11. Suvni hisobga olish uzellarini montaj qilish shartlari va oʻrnatish sxemasi.

11.1. Suvni hisobga olish uzellarini oʻrnatish belgilangan tartibda davlat ekspertizasidan oʻtgan namunali sxemalar (loyihalar) asosida amalga oshirilishi lozim.

11.2. Suvni hisobga olish uzellarining barcha birikmalari ajratib olinadigan boʻlishi kerak. Suv hisoblagichni yechib olishga imkon beruvchi ulanishlarda plombalangan qurilma boʻlishi lozim. Sharsimon kran va filtrni plombani ochmasdan almashtirish imkoni boʻlishi kerak.

11.3. Suvni hisobga olish uzellarining barcha qismlari yangi, ichimlik va issiq suv taʼminoti tizimlarida foydalanish uchun yaroqli boʻlgan zanglamaydigan materialdan tayyorlangan boʻlishi kerak.

11.4. Suv hisoblagichlar shunday montaj qilinishi kerakki, foydalanish paytida ular suv bilan butunlay toʻlishi kerak.

11.5. Agar suv hisoblagichning aniqligiga quvurda suv hisoblagich oldida yuzaga keladigan buzilishlar taʼsir qilsa (masalan, tirsaklar, klapanlar yoki nasoslar sababli), u holda oʻrnatilgan suv hisoblagich koʻrsatkichlari talabga javob berishi uchun uning oldida yetarli miqdordagi toʻgʻri quvur qismlari nazarda tutilishi lozim.

11.6. Yakka tartibdagi xonadonlarda suv hisoblagichning oʻtish diametri hisoblash yoʻli bilan aniqlanadi.

11.7. Suv hisoblagich uning kirish trubasiga oʻrnatilgan himoya toʻri bilan jihozlangan boʻlishi kerak.

11.8. Issiq suv hisoblagichini oʻrnatishga faqat aylanma quvur liniyasi mavjud boʻlgan taqdirda yoki koʻp kvartirali yoki yakka tartibdagi turar-joy binosining issiq suv taʼminoti tarmogʻida aylanma quvur liniyasi qurilgandan keyingina ruxsat beriladi.

12. Suv hisoblagichlarga qoʻyiladigan ushbu texnik talablarda va ularni oʻrnatish shartlarida koʻrsatilmagan boshqa barcha holatlarda ular quyidagi xalqaro standartlar talablariga javob berishi kerak:

12.1. Yopiq kanallarda suv sarfini oʻlchash. Ichimlik suv hisoblagichlari. 4064/1 Xalqaro standarti;

12.2. Yopiq kanallarda suv sarfini oʻlchash. Ichimlik suv hisoblagichlari. 4064/3 Xalqaro standarti;

12.3. Sovuq suvni oʻlchash uchun hisoblagichlar. 49-son Xalqaro tavsiya;

12.4. Issiq suvni oʻlchash uchun hisoblagichlar. 72-son Xalqaro tavsiya.

III. Uy-joy fondini sovuq va issiq suv hisoblagich asbob-uskunalari bilan jihozlash boʻyicha loyiha ishtirokchilarining asosiy vazifalari va funksiyalari

13. Oʻzbekiston Respublikasi Moliya vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston “Oʻzkommunxizmat” agentligi bilan birgalikda belgilangan tartibda, ishlab chiqarish xarajatlari va xizmatlarni sotishdan olinadigan yalpi foydadan, Oʻzbekiston “Oʻzkommunxizmat” agentligi tomonidan kreditni oʻz vaqtida qaytarish va unga xizmat koʻrsatish bilan bogʻliq zarur toʻlovlar va komissiyalarni toʻlashdan kelib chiqqan holda sovuq va issiq suv yetkazib berish narxlari (tariflari)ni shakllantiradi.

14. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

Suv hisoblagich uzellarini oʻrnatish uchun koʻp kvartirali va yakka tartibdagi uy-joylarning manzilli roʻyxatini shakllantiradi;

suv hisoblagichlarini oʻrnatish zarurligi haqida aholi oʻrtasida targʻibot ishlarini tashkil etadi, ularni oʻrnatish joylarining oʻz vaqtida tayyorlanishini taʼminlaydi;

Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash dasturining bajarilishi, oʻrnatilgan suv hisoblagichlar uchun isteʼmolchilar tomonidan mablagʻlarning oʻz vaqtida qaytarilishi uchun masʼul hisoblanadi.

15. “Oʻzstandart” agentligi:

suv hisoblagichlarni belgilangan tartibda attestatsiyadan oʻtkazishni va respublikada ishlab chiqariladigan va olib kiriladigan oʻlchash vositalari davlat reyestriga kiritishni tashkil etadi;

suv hisoblagichlarning belgilangan tartibda birlamchi va davriy tekshiruvlardan oʻtkazilishini taʼminlaydi.

16. Oʻzbekiston “Oʻzkommunxizmat” agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining suv taʼminoti va issiqlik taʼminoti hududiy korxonalari:

kredit boʻyicha subqarzdor hisoblanadi va belgilangan tartibda uni qaytarishni amalga oshiradilar, loyihaning amalga oshirilishi ustidan quyidagi yoʻnalishlarda doimiy monitoring olib boradi: belgilangan oʻlchamlar boʻyicha oʻrnatilgan suv hisoblagich uzellari soni va narxi, oʻrnatilgan suv hisoblagich uzellari uchun aholi tomonidan mablagʻlarning toʻlanishi, aholining oʻrnatilgan suv hisoblagich uzellaridan qarzdorligi, suv hisoblagich uzellarini oʻrnatish jadvallarining bajarilishi va aholi tomonidan mablagʻlarning qaytarilishi;

suv hisoblagichlarni yetkazib berish shartnomasidagi shaklga muvofiq, bajarilgan ishlar dalolatnomalari asosida loyiha ijrochisi bilan birgalikda respublika boʻylab bajarilgan ishlarning yigʻma dalolatnomasini tuzadi;

oʻrnatilgan suv hisoblagich uzellari uchun belgilangan tartibda isteʼmolchilardan mablagʻlar qaytarilishini taʼminlaydi.

Koʻp kvartirali uy mahalliy issiqlik taʼminoti va issiq suv taʼminotiga oʻtkazilganda suv hisoblagichga egalik huquqi va subqarz shartnomasi belgilangan tartibda xususiy uy-joy mulkdorlari shirkatlari (yangi suv yetkazib beruvchi)ga qayta rasmiylashtiriladi.

17. Loyiha ijrochisi:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlangan manzilli roʻyxatlarga muvofiq, koʻp kvartirali va yakka tartibdagi uy-joylarda suv hisoblagich uzellarini oʻrnatishni nazarda tutuvchi Oʻzbekiston Respublikasi uy-joy fondini suv hisoblagichlar bilan jihozlash boʻyicha “tayyor holda topshirish” kompleks tadbirlarni amalga oshiradi va topshiradi;

kafolat muddati davomida:

suv hisoblagichlarining ishlashi ustidan texnik nazorat olib boradi;

isteʼmolchining talabiga koʻra, yuzaga kelishi mumkin boʻlgan nosozliklarni aniqlash uchun isteʼmolchiga oʻrnatilgan suv hisoblagichlarning “Oʻzstandart” agentligining hududiy boʻlinmalariga tekshirish uchun taqdim etilishini taʼminlaydi;

isteʼmolchining aybi boʻlmagan va foydalanish boʻyicha kafolat muddatiga dosh bermagan suv hisoblagichlar va uzellarning qismlarini oʻz mablagʻlari hisobidan oʻz vaqtida almashtirib berishni taʼminlaydi.

18. Suv yetkazib beruvchi:

xususiy uy-joy mulkdorlari shirkatlari (fuqarolarning oʻzini oʻzi boshqarish organlari) bilan birgalikda isteʼmolchilarni suv hisoblagich uzellar oʻrnatilish sanasi va vaqti toʻgʻrisida oldindan (oʻrnatish boshlanishidan 15 kun oldin) xabardor qiladi va ishlar bajarilishi ustidan texnik nazorat olib boradi;

loyiha ijrochisiga suv hisoblagichlar va hisoblagich uzellarining qismlarini saqlash uchun omborxona, suv hisoblagich uzellarini qayta ishlash va yigʻish uchun maydon, uy-joy binolarining sovuq va issiq suv taʼminoti tizimlarini oʻchirish uchun (tarmoq suv hisoblagichlar oʻrnatilishidan 1 soat oldin uzilishi kerak) loyiha ijrochisining ishchi brigadalarini hamrohlik qiluvchi bilan taʼminlaydi;

loyiha ijrochisi va shahar (tuman) issiqlik va suv taʼminoti korxonalari bilan birgalikda oʻrnatilgan suv hisoblagichlarni xususiy uy-joy mulkdorlari shirkatlari ishtirokida rasmiylashtirilgan “tayyor holda” bajarilgan ishlar dalolatnomalari asosida foydalanishga qabul qilib oladi;

loyiha ijrochisi (uning joylardagi vakolatli vakillari) va shahar (tuman) issiqlik va suv taʼminoti korxonalari bilan tuzilgan bajarilgan ishlar dalolatnomalari viloyat (hududiy) issiqlik va suv taʼminoti korxonalariga beriladi;

dalolatnomalar qayta ishlanganidan soʻng loyiha ijrochisi (uning joylardagi vakolatli vakillari) bilan viloyat (hududiy) issiqlik va suv taʼminoti korxonalari oʻrtasida viloyatning barcha shahar va tumanlari boʻyicha bajarilgan ishlarning jamlanma dalolatnomasi tuziladi;

issiqlik va suv taʼminoti korxonalari har oyning 25-sanasigacha Oʻzbekiston “Oʻzkommunxizmat” agentligiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlangan manzilli roʻyxat asosida hisobot oyida mintaqada suv hisoblagich uzellarini oʻrnatish boʻyicha bajarilgan ishlarning jamlama dalolatnomalarini topshiradi;

kafolat muddati tugagandan soʻng, isteʼmolchi hisobidan buzilgan suv hisoblagichlarga texnik xizmat koʻrsatish, taʼmirlash va almashtirishni amalga oshiradi;

aholi va issiqlik va suv taʼminoti korxonalari oʻrtasida imzolangan shartnomalar asosida suvni hisoblagich uzellari uchun isteʼmolchilardan mablagʻlarni oʻz vaqtida yigʻish va qaytarishni tashkil etadi.

19. Isteʼmolchilar:

loyiha ijrochisi va suv yetkazib beruvchilar vakillarining suv hisoblagich uzellarini oʻrnatish joyiga belgilangan tartibda kirishini taʼminlashi shart;

suv yetkazib beruvchilari xabarnomasida koʻrsatilgan muddatlarda suv hisoblagich uzellarini oʻrnatish uchun joy quyidagilarda oʻz vaqtida tayyor boʻlishini taʼminlaydi:

a) yakka tartibdagi uy-joylarda belgilangan tartibda quduq qurilmasiga ega kirish quvurida suv hisoblagichlarni oʻrnatish joyi tayyor boʻlishini taʼminlaydi. Suv hisoblagich oldidagi quvur liniyasining toʻgʻri qismi uzunligi suv oʻlchagich pasportida koʻrsatilgan meʼyoriy talablarga javob berishi kerak;

b) koʻp kvartirali uylarda har bir xonadonda ish paytida xalaqit qilishi mumkin boʻlgan barcha ehtimoliy toʻsiqlarni bartaraf etgan holda, suv hisoblagichni oʻrnatish joyiga erkin kirish imkoni taʼminlaydi. Suv hisoblagich oʻrnatiladigan joydagi quvur liniyasining toʻgʻri qismi uzunligi suv hisoblagich pasportida koʻrsatilgan meʼyoriy talablarga javob berishi kerak;

Oʻzbekiston “Oʻzkommunxizmat” agentligi va hududiy issiqlik va suv taʼminoti korxonalarining kreditni tashkil etish va unga xizmat koʻrsatish bilan bogʻliq xarajatlarini oʻz ichiga olgan hisob-kitob qiymati boʻyicha oʻrnatilgan suv hisoblagich uzellari uchun toʻlovlarni shartnoma asosida oʻz vaqtida amalga oshiradi;

oʻrnatilgan suv hisoblagich uzellarining but saqlanishi uchun javobgar hisoblanadi;

suv hisoblagich uzellarining qiymatini toʻliq toʻlagandan soʻng ularga egalik huquqini qoʻlga kiritadi;

suv hisoblagichlarni davriy tekshirish uchun hududiy issiqlik va suv taʼminoti korxonalari orqali “Oʻzstandart” agentligining hududiy boʻlinmalariga taqdim etadi.

Suv yetkazib beruvchi tomonidan suv hisoblagichlarni oʻrnatish boʻyicha ish boshlanganligi toʻgʻrisida xabardor qilingan kundan boshlab 30 kun ichida isteʼmolchi tomonidan suv hisoblagichlarni oʻrnatish joyi taʼminlanmasa va/yoki ularni oʻrnatish rad etilsa, suv yetkazib beruvchi isteʼmolchini sovuq yoki issiq suv tarmogʻidan uzib qoʻyish huquqiga ega.

20. Xususiy uy-joy mulkdorlari shirkatlari, fuqarolarning oʻzini oʻzi boshqarish organlari:

suv yetkazib beruvchilar vakillari bilan birgalikda aholi oʻrtasida suv hisoblagichlarni joriy etish hisobiga suv taʼminoti xizmatlari uchun haq toʻlashda mablagʻlarni koʻp miqdorda tejashga erishish va suv hisoblagich uzelini oʻrnatish joyiga kirishni taʼminlash (uni oʻz vaqtida oʻrnatishga tayyorlash) zarurligi toʻgʻrisida tushuntirish ishlarini olib boradi;

kam taʼminlangan oilalarga qonun hujjatlariga muvofiq moddiy yordam koʻrsatish shaklida kompensatsiya orqali ularga suv hisoblagich uzellarini oʻrnatish uchun haq toʻlashda yordam koʻrsatadi.

IV. Suv hisoblagich uzellarini xarid qilish va oʻrnatish

21. “II YAN” MCHJ (Toshkent shahri) xorijiy korxonasi konsorsiumiga kiruvchi Xitoyning “China National Machinery Import & Export Corporation (CMC)” korporatsiyasi Xitoy Xalq Respublikasi korxonalari tomonidan ishlab chiqarilgan butlovchi qismlar va ehtiyot qismlarni xarid qiladi, tayyor holda topshirish shartlarida uy-joy fondida suv hisoblagich uzellarini yigʻadi, tekshiradi va oʻrnatadi.

22. Loyiha ijrochisi tomonidan oʻrnatilgan suv hisoblagich uzellarini qabul qilish “Oʻzkommunxizmat” agentligining hududiy vakillari sifatida hududiy issiqlik va suv taʼminoti korxonalari tomonidan amalga oshiriladi.

23. Suv hisoblagich uzellari qiymatini qoplash va uni oʻrnatish uchun toʻlov, suv, shu jumladan suv hisoblagichlarni ishlatish va ularga texnik xizmat koʻrsatish uchun toʻlov tartibi isteʼmolchi va suv yetkazib beruvchi oʻrtasida tuziladigan tegishli shartnomalar bilan belgilanadi.

24. Suv hisoblagich uzellari isteʼmolchi tomonidan ularning qiymati toʻliq toʻlanguniga qadar issiqlik va suv taʼminoti hududiy korxonalarining mulki hisoblanadi.

25. Suv hisoblagich uzellari xodimlarga ularning butligi va texnik holatini vizual ravishda nazorat qilish uchun erkin kirishni, suv hisoblagich shkala-raqamli qurilmasi koʻrsatkichini koʻchirib olish imkoniyatini taʼminlaydigan, shuningdek, xavfsizlik talablariga javob beradigan joylarda oʻrnatiladi.

V. Suv hisoblagich uzellaridan foydalanish

26. Suv hisoblagich uzellaridan foydalanish quyidagilarni oʻz ichiga oladi:

suv hisoblagichlariga texnik xizmat koʻrsatish, ularning koʻrsatkichlari va umuman suv hisoblagichlarning texnik holatini nazorat qilish;

davriy tekshiruv ishlari;

suv hisoblagichlarni taʼmirlash;

ishdan chiqqan suv hisoblagichlarni oʻrnatish va almashtirish.

27. Suv hisoblagich uzellarini ishlatish hududiy issiqlik va suv taʼminoti korxonalari tomonidan amalga oshiriladi.

28. Suv hisoblagich uzellariga belgilangan kafolat muddati davomida suv hisoblagich uzellaridan foydalanish xarajatlari suv yetkazib beruvchi hisobidan amalga oshiriladi.

29. Suv hisoblagich uzellariga belgilangan kafolat muddati tugagandan soʻng, ularni saqlash va ishlatish isteʼmolchi hisobidan suv yetkazib beruvchilar bilan tuzilgan shartnomaga muvofiq amalga oshiriladi.

30. Suv hisoblagichlarini taʼmirlash ishlari tegishli sinov uskunalari va ushbu ishlarni bajarish uchun ruxsatnomaga ega boʻlgan ixtisoslashgan tashkilotlar tomonidan amalga oshiriladi.

VI. Suv hisoblagich uzellaridan foydalanish qoidalari va meʼyorlarini buzganlik uchun javobgarlik

31. Suv yetkazib beruvchi suv hisoblagichlarning normal ishlashini taʼminlovchi koʻrsatilayotgan xizmatlar sifati, ularning xavfsiz ishlashi uchun texnik shartlarga muvofiqligi, isteʼmolchiga yetkazib beriladigan suv hajmini oʻlchashning aniqligi uchun javobgardir. Suv yetkazib beruvchi isteʼmolchiga suv hisoblagichlarning texnik koʻrsatkichlari, ularning samarali va xavfsiz ishlashi qoidalari va shartlari, xizmat qilish (yaroqlilik) muddati, texnik koʻrik va sinov koʻrigi davri va muddatlari toʻgʻrisidagi maʼlumotlarni taqdim etishi shart.

32. Suv hisoblagichlardagi plombalar va texnik hujjatlarning butligini nazorat qilish issiqlik va suv taʼminoti korxonalari tomonidan amalga oshiriladi.

33. Suv hisoblagichlardagi plombani buzganlik va texnik hujjatlarning butligi uchun javobgarlik isteʼmolchiga yuklatiladi.

34. Isteʼmolchining aybi bilan plombalar buzilgan va suv hisoblagichlar texnik hujjatlari yoʻqolgan taqdirda, isteʼmolchi nazoratchining soʻnggi tashrifi sanasidan boshlab kuniga 24 soat davomida sovuq (issiq) suv taʼminoti quvurining toʻliq quvvatda uzluksiz ishlashidan kelib chiqqan holda xizmatlar, shuningdek, takroriy tekshirish sinovlari boʻyicha ishlar qiymatini toʻlaydi.

35. Agar suv hisoblagichda kafolat muddati davomida undan oʻlchov vositasi sifatida foydalanib boʻlmasligiga olib keladigan ishlab chiqarishdagi nuqson yoki nosozlik aniqlansa, loyiha ijrochisi uni besh kun ichida oʻz hisobidan almashtirib berishi shart.

Suv hisoblagichning kafolat muddati u oʻrnatilgan paytdan boshlab belgilanadi.

36. Kafolat muddati tugagandan soʻng, suv hisoblagichlardan foydalanadigan va texnik xizmat koʻrsatadigan suv yetkazib beruvchilar isteʼmolchidan suv hisoblagichning nosozligi toʻgʻrisida ariza kelib tushgan kundan boshlab uch kun ichida uni taʼmirlashi yoki (agar taʼmirlash imkonsiz boʻlsa) uni Oʻzbekiston Respublikasida sertifikatlangan yangi suv hisoblagichiga, isteʼmolchi hisobidan, suv hisoblagichlarini sinash va narxlash boʻyicha barcha zarur hujjatlarni taqdim etgan holda almashtirib berishi shart.

Bunda, isteʼmolchi suv yetkazib beruvchiga suv hisoblagichning nosozligi toʻgʻrisida ariza bilan murojaat qilgan paytdan boshlab uni toʻliq tiklashgacha boʻlgan davrda ishlatilgan suv narxini ushbu oy uchun suv oʻlchagichning koʻrsatkichini undagi kunlar soniga boʻlish orqali aniqlanadigan avvalgi oy uchun oʻrtacha kunlik suv sarfi asosida toʻlaydi.

37. Isteʼmolchi oʻrnatilgan suv hisoblagichlardan ehtiyotkorlik bilan foydalanishi, belgilangan tartibda xizmat koʻrsatuvchi xodimlarning suv hisoblagichga toʻsiqsiz kirishini taʼminlashi, amaldagi tariflarga muvofiq uning koʻrsatkichlari asosida toʻlovlarni oʻz vaqtida amalga oshirishi shart.

Suv hisoblagichlar nosozligi aniqlansa, isteʼmolchi bu haqda darhol suv yetkazib beruvchini xabardor qilishi shart.

38. Suv hisoblagichlarga qasddan zarar yetkazish, suv taʼminoti tarmoqlariga ruxsatsiz ulanish holatlari aniqlanganda isteʼmolchi qonun hujjatlariga muvofiq javobgarlikka tortiladi.

39. Suv yetkazib beruvchi va isteʼmolchi oʻrtasida yuzaga keladigan nizolar qonun hujjatlarida belgilangan tartibda hal etiladi.