Xalqaro shartnomalarni tasdiqlash toʻgʻrisida (PQ-523-son)

04.12.2006

Oʻzbekiston Respublikasi Prezidentining

Qarori

“Xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq:

1. 2006-yilning 4-sentabrida Ostona shahrida (Qozogʻiston Respublikasi) imzolangan quyidagi xalqaro shartnomalar:

Oʻzbekiston Respublikasi Hukumati hamda Qozogʻiston Respublikasi Hukumati oʻrtasida maxfiy axborotlarni oʻzaro muhofaza qilish toʻgʻrisidagi Bitim;

2001-yilning 16-noyabrida Oʻzbekiston Respublikasi Hukumati hamda Qozogʻiston Respublikasi Hukumati oʻrtasida Oʻzbekiston—Qozogʻiston davlat chegarasi orqali oʻtish punktlari toʻgʻrisidagi Bitim Protokoli tasdiqlansin.

2. Oʻzbekiston Respublikasi Tashqi ishlar vazirligi (V. Norov) mazkur qarorda qayd etib oʻtilgan xalqaro shartnomalar kuchga kirishi uchun Oʻzbekiston Respublikasi zarur boʻlgan ichki davlat tartib-qoidalarini bajargani toʻgʻrisida Qozogʻiston Respublikasiga tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnomalar kuchga kirgandan keyin Oʻzbekiston Respublikasining ularda nazarda tutilgan majburiyatlari ijrosi ustidan belgilangan tartibda nazoratni taʼminlasinlar.

4. Mazkur qarorning ijrosini nazorat qilish Oʻzbekiston Respublikasi Bosh vaziri Sh. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2006-yil 4-dekabr,

PQ-523-son