Yoʻl harakati qoidalarini buzilishiga doir maʼmuriy ishlarni koʻrib chiqishni tashkil etish hamda haydovchilik guvohnomasiga talon berish va almashtirish tartibi toʻgʻrisidagi yoʻriqnomani tasdiqlash haqidagi buyruqqa oʻzgartirish va qoʻshimchalar kiritish haqida (933-1-son)

21.11.2006

Oʻzbekiston Respublikasi Ichki ishlar vazirining

Buyrugʻi

[Oʻzbekiston Respublikasi Adliya vazirligi tomonidan 2006-yil 21-noyabrda 933-1-son bilan davlat roʻyxatidan oʻtkazildi

Oʻzbekiston Respublikasining “Oʻzbekiston Respublikasining Maʼmuriy javobgarlik toʻgʻrisidagi kodeksiga, Oʻzbekiston Respublikasining Fuqarolik kodeksiga va “Notariat toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida”gi Qonuni, Oʻzbekiston Respublikasi Vazirlar Mahkamasining 2001-yil 18-maydagi “Yoʻl harakati xavfsizligini taʼminlash choralari toʻgʻrisida”gi 221-37-sonli qarori va Oʻzbekiston Respublikasi Prezidentining 2006-yil 31-avgustdagi “Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamenti faoliyatini yanada takomillashtirish chora-tadbirlari toʻgʻrisida”gi PQ-458-sonli qaroriga muvofiq buyuraman:

1. Oʻzbekiston Respublikasi Ichki ishlar vazirining 2000-yil 23-apreldagi 87-sonli buyrugʻiga (2000-yil 9-iyun, roʻyxat raqami 933) ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligidan oʻrnatilgan tartibda davlat roʻyxatidan oʻtkazilsin.

Ichki ishlar vaziri, general-leytenant B. MATLYUBOV

Toshkent sh.,

2006-yil 17-oktabr,

223-son

Ichki ishlar vazirining 2006-yil 17-oktabrdagi 223-sonli buyrugʻiga ILOVA

Yoʻl harakati qoidalarini buzilishiga doir maʼmuriy ishlarni koʻrib chiqishni tashkil etish hamda haydovchilik guvohnomasiga talon berish va almashtirish tartibi toʻgʻrisidagi Yoʻriqnomani tasdiqlash haqidagi buyrugʻiga oʻzgartirish va qoʻshimchalar

I. Buyruqda:

1) 2-banddagi “IIV DANBB” qisqartmasi “IIV Yoʻl harakati xavfsizligi Bosh boshqarmasi” degan soʻzlar bilan almashtirilsin;

2) 2.1-banddagi “DAN” qisqartmasi “Yoʻl harakati xavfsizligi” degan soʻzlar bilan almashtirilsin;

3) 4.1-banddagi “Davlat avtomobil nazorati” degan soʻzlar “Oʻzbekiston Respublikasi Davlat yoʻl harakati xavfsizligi xizmati (keyingi oʻrinlarda — DYHXX)” degan soʻzlar bilan almashtirilsin;

4) 4.3-banddagi “DAN xizmatini” degan soʻzlar “DYHXXni” qisqartmasi bilan almashtirilsin;

5) 6-banddagi “DAN bosh” degan soʻzlar “Yoʻl harakati xavfsizligi Bosh” degan soʻzlar bilan almashtirilsin.

II. Yoʻriqnomada:

1) 2.1, 2.11, 2.12, 3.8, 3.10, 6.10.3, 6.16, 6.17, 6.18, 9.1.4-bandlardagi va Yoʻriqnomaga 5, 11, 9-ilovalardagi “DAN” qisqartmasi “DYHXX” qisqartmasi bilan almashtirilsin;

2) 2.11.1-band quyidagi tahrirda bayon etilsin:

“2.11.1. Agar haydovchi safarda boʻlsa, u taqdim etgan tegishli hujjatlar yoki maʼlumotlar asosida oʻsha hududdagi Yoʻl harakati xavfsizligi xizmati boshqarmasi maʼmuriy amaliyot boʻlimi boshligʻi, uning oʻrinbosari, maʼmuriy amaliyot boʻyicha katta inspektori, tuman (shahar) ichki ishlar boʻlimlarida avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha boʻlinmasi boshligʻi, avtomototransport vositalarining texnik holati, ulardan foydalanish qoida va meʼyorlariga amal qilishning nazorati katta inspektori yoki maʼmuriy huquqbuzarlik boʻyicha materiallarni koʻrib chiqish boʻyicha katta inspektori (inspektori) tomonidan haydovchilik guvohnomasi talonining yoki vaqtinchalik guvohnomaning amal qilish muddati uzaytirib beriladi.

Izoh: talonni yoki vaqtinchalik ruxsatnomani muddati uzaytirilganda “Yashash joyiga yetib olgunga qadar” deb yozib, muddat qoʻyib beriladi. Uzaytirish muddati 10 kundan oshmasliga kerak.”;

3) 3.3-band quyidagi tahrirda bayon etilsin:

“3.3. Kodeksning 125, 126-moddalarida, 127-moddasi birinchi qismida, 128-moddasi birinchi, ikkinchi va uchinchi qismlarida, 129-moddasi birinchi qismida, 130-moddasi birinchi qismida, 131-moddasi uchinchi qismida, 135-moddasida, 136-moddasi uchinchi qismida, 138, 139, 140, 141, 147-moddalarida nazarda tutilgan maʼmuriy huquqbuzarliklar Oʻzbekiston Respublikasi IIV Yoʻl harakati xavfsizligi Bosh boshqarmasi boshligʻi, uning birinchi oʻrinbosari yoki oʻrinbosari, Yoʻl patrul xizmati faoliyatini muvofiqlashtirish va maʼmuriy amaliyot boʻlimi boshligʻi, uning oʻrinbosari, muhim topshiriqlar boʻyicha katta inspektori, inspektori (maʼmuriy amaliyot boʻyicha), Qoraqalpogʻiston Respublikasi IIV, viloyatlar Ichki ishlar boshqarmalari, Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi, Yoʻl harakati xavfsizligi boshqarmasi boshligʻi, uning birinchi oʻrinbosari yoki oʻrinbosari, Toshkent shahar Ichki ishlar Bosh boshqarmasi, Yoʻl harakati xavfsizligi boshqarmasi maʼmuriy amaliyot boʻlimi boshligʻi, uning oʻrinbosari yoki katta inspektori (inspektori), tuman (shahar) ichki ishlar boʻlimida avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha boʻlinmasi boshligʻi, avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha katta inspektori (inspektori), maʼmuriy huquqbuzarlik boʻyicha materiallarni koʻrib chiqish boʻyicha inspektori, ular boʻlmagan taqdirda — ichki ishlar boʻlimi boshligʻi yoki uning oʻrinbosari tomonidan koʻrib chiqiladi va maʼmuriy jazo qoʻllaniladi.”;

4) 3.4-banddagi “yoʻl-patrul xizmati komandiri yoki uning oʻrinbosari” degan soʻzlar “yoʻl-patrul xizmati brigadasi (bataloni, divizioni, otryadi, mobil guruhi) komandiri, uning birinchi oʻrinbosari va oʻrinbosari” degan soʻzlar bilan almashtirilsin;

5) 3.5-band quyidagi tahrirda bayon etilsin:

“3.5. Kodeksning 125-moddasi birinchi, ikkinchi va uchinchi qismlarida, 126-moddasi birinchi qismida, 127-moddasi birinchi qismida, 128-moddasi birinchi, 129-moddasi birinchi qismida, 135-moddasi birinchi qismida, 138-moddasi birinchi va ikkinchi qismlarida nazarda tutilgan maʼmuriy huquqbuzarliklar uchun Yoʻl-patrul xizmati katta inspektori (inspektori) va yoʻl harakati qoidalariga hamda yoʻl harakati xavfsizligini taʼminlashga oid boshqa meʼyoriy hujjatlarga rioya etishi ustidan nazoratni amalga oshiruvchi boshqa xodimlar tomonidan koʻrib chiqiladi va maʼmuriy jazo qoʻllaniladi.”;

6) 3.7-bandda “137-moddalarida” degan soʻzlar “137, 1763-moddalarida” degan soʻzlar bilan almashtirilsin;

7) 3.16.2-band quyidagi tahrirda bayon etilsin:

“3.16.2. Ishni yuridik shaxslarga tegishli transport vositasi doimiy (vaqtinchalik) roʻyxatga olingan joydagi maʼmuriy amaliyot boʻlimi boshligʻi, uning oʻrinbosari, maʼmuriy amaliyot boʻyicha katta inspektor (inspektor), tuman (shahar) ichki ishlar boʻlimida avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha boʻlinmasi boshligʻi, avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha katta inspektori (inspektori), maʼmuriy huquqbuzarlik boʻyicha materiallarni koʻrib chiqish boʻyicha katta inspektori (inspektori)ga koʻrib chiqish uchun yuboradi.

Shaxsiy transport vositalari haydovchilari tomonidan sodir etilgan maʼmuriy huquqbuzarlik toʻgʻrisidagi ishlarni koʻrib chiqishning tarbiyaviy va ogohlantiruvchi rolini oshirish maqsadida huquqbuzarning ish, oʻqish joylaridagi jamoalarida yoki yashash joylaridagi maʼmuriy amaliyot boʻlimi boshligʻi, uning oʻrinbosari, maʼmuriy amaliyot boʻyicha katta inspektor (inspektor), tuman (shahar) ichki ishlar boʻlimida avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha boʻlinmasi boshligʻi, avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha katta inspektori (inspektori), maʼmuriy huquqbuzarlik boʻyicha materiallarni koʻrib chiqish boʻyicha katta inspektori (inspektori)ga koʻrib chiqish uchun yuborish mumkinligini nazarda tutadi.”;

8) 5.6-banddagi “tuman (shahar) sudining sud ijrochisi” degan soʻzlar “Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy taʼminlash departamentining sud ijrochilari tuman (shahar) boʻlimlarining sud ijrochilari” degan soʻzlar bilan almashtirilsin;

9) 5.10-band quyidagi tahrirda bayon etilsin:

“5.10. Huquqbuzar bir yil va undan ortiq muddatga transport vositasini boshqarish huquqidan mahrum etilgan hollarda haydovchilik guvohnomasi va uning taloni belgilangan tartibda huquqbuzarning yashash joyidagi DYHXXning roʻyxatlash va imtihon olish boʻlim (boʻlinma) (keyingi oʻrinlarda — RIB (TRIB)) lariga yuboriladi.

Izoh: haydovchilik hujjatlaridan birortasi (guvohnoma yoki uning taloni)ning yoʻqolganligi yoxud oʻgʻirlanganligi haqida asosli dalillar (haydovchining tushuntirish xati, militsiya yoki yongʻindan saqlash xizmati maʼlumotnomalari va h.k.) boʻlsa, mavjud haydovchilik hujjati (guvohnoma yoki uning taloni) asosli dalillar bilan birgalikda DYHXXning RIB (TRIB)lariga yuboriladi.”;

10) 5.14-band quyidagi tahrirda bayon etilsin:

“5.14. Haydovchilik guvohnomasi talonida kodeksning 128-moddasi 1-qismida nazarda tutilgan huquqbuzarliklar bir yil mobaynida uch marta qayd qilingandan soʻng huquqbuzarning yashash joyida yoki transport vositasining doimiy (vaqtincha) roʻyxatga olingan joyida maʼmuriy amaliyot boʻlimi boshligʻi, uning oʻrinbosari, maʼmuriy amaliyot boʻyicha katta inspektor (inspektor), tuman (shahar) ichki ishlar boʻlimida avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha boʻlinmasi boshligʻi, avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha katta inspektori (inspektori), maʼmuriy huquqbuzarlik boʻyicha materiallarni koʻrib chiqish boʻyicha katta inspektori (inspektori) tomonidan almashtiriladi (buyruqning 2-ilovasi).

Izoh: Kodeksning 128-moddasi 1-qismida nazarda tutilgan huquqbuzarliklardan bir yilda toʻrtinchisi sodir etilgan taqdirda u yoʻllarda harakatlanish qoidalari boʻyicha bilimini tekshirish uchun birinchi huquqbuzarlik deb hisoblanadi, maʼmuriy chora qoʻllash esa qonun doirasida hal etiladi.”;

11) 5.15-band quyidagi tahrirda bayon etilsin:

“5.15. Haydovchining bilimi Oʻzbekiston Respublikasi IIV Yoʻl harakati xavfsizligi Bosh boshqarmasi, Qoraqalpogʻiston Respublikasi IIV, viloyatlar Ichki ishlar boshqarmalari Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi Yoʻl harakati xavfsizligi boshqarmasi boshligʻi, uning birinchi oʻrinbosari yoki oʻrinbosari, Yoʻl patrul xizmati faoliyatini muvofiqlashtirish va maʼmuriy amaliyot boʻlimi boshligʻi, uning oʻrinbosari, muhim topshiriqlar boʻyicha katta inspektori, inspektori (maʼmuriy amaliyot boʻyicha), maʼmuriy amaliyot boʻlimi boshligʻi, uning oʻrinbosari, katta inspektori (inspektori), tuman (shahar) ichki ishlar boʻlimida avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha boʻlinmasi boshligʻi, avtomototransport vositalarining texnik holati, ulardan foydalanish qoida va meʼyorlariga amal qilishning nazorati guruhining katta inspektori, maʼmuriy amaliyot boʻyicha katta inspektori (inspektori) tarkibidan tuzilgan komissiya tomonidan IIVning amaldagi buyruqlari asosida tekshiriladi. Bu boʻyicha ish yuritishni olib borish esa komissiya aʼzosi hisoblangan maʼmuriy amaliyot xodimi zimmasiga yuklatiladi.”;

12) 6.2, 6.4-bandlardagi “Qoraqalpogʻiston Respublikasi IIV, viloyatlar IIB DANBlari va Toshkent shahar IIBB YHXNB” degan soʻzlar “Qoraqalpogʻiston Respublikasi IIV, viloyatlar Ichki ishlar boshqarmalari Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi Yoʻl harakati xavfsizligi boshqarmasi” degan soʻzlar bilan, 6.2-banddagi “Oʻzbekiston Respublikasi IIV DAN bosh” degan soʻzlar “Oʻzbekiston Respublikasi IIV Yoʻl harakati xavfsizligi Bosh” degan soʻzlar bilan almashtirilsin;

13) 6.4-banddagi “Shahar, tuman IIB Davlat avtomobil nazorati boʻlimi (boʻlinmasi)” degan soʻzlar “Tuman (shahar) ichki ishlar boʻlimida avtomototransport vositalarining texnik holati, ulardan foydalanish qoida va meʼyorlariga amal qilishning nazorati boʻyicha boʻlinmalar” degan soʻzlar bilan almashtirilsin;

14) 6.5-band quyidagi tahrirda bayon etilsin:

“6.5. Maʼmuriy bayonnomalar va jarima kvitansiyalari blankalari hisob-kitobining olib borilishi va tarqatilishini, shuningdek roʻyxatga olish kitoblarining yuritilishini nazorat qilish hududiy Yoʻl harakati xavfsizligi boshqarmalari, tuman (shahar) IIBlari boshliqlari buyruqlari bilan Davlat yoʻl harakati xavfsizligi tuman (shahar) boʻlinmalari xodimlari zimmasiga yuklatiladi. Ular yilning har choragi yakuni boʻyicha qatʼiy hisobdagi blankalarning kirim-chiqimi haqida yuqori DYHXX idoralariga hisobot beradilar.

Toshkent shahar IIBB yoʻl-patrul xizmati brigadasida maʼmuriy bayonnoma va jarima kvitansiyalari blankalarini tarqatilishini nazorat qilish Toshkent shahar IIBB Yoʻl harakati xavfsizligi boshqarmasi maʼmuriy amaliyot boʻlimi tomonidan amalga oshiriladi.

YPX brigadasining har bir otryadida brigada komandiri buyrugʻi bilan maʼmuriy bayonnomalar va jarima kvitansiyalari blankalari hisob-kitobini olib borish va berish, shuningdek roʻyxatga olish kitoblarini yuritishga masʼul xodimlar tayinlanadi. Ular yilning har choragi yakuni boʻyicha qatʼiy hisobdagi blankalarning kirim-chiqimi haqida maʼmuriy amaliyot boʻlimiga hisobot beradilar. Toshkent shahar IIBB Yoʻl harakati xavfsizligi boshqarmasi maʼmuriy amaliyot boʻlimi oʻz navbatida yilning har choragida bu haqda Oʻzbekiston Respublikasi IIV Yoʻl harakati xavfsizligi Bosh boshqarmasiga hisobot beradi.”;

15) 6.6-banddagi “IIV-IIB DAN boshqarmalari va Toshkent shahar IIBB YHXNB” degan soʻzlar “Qoraqalpogʻiston Respublikasi IIV, viloyatlar Ichki ishlar boshqarmalari Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi Yoʻl harakati xavfsizligi boshqarmasi” degan soʻzlar bilan, “DAN-YHXN” qisqartmasi “hududiy Yoʻl harakati xavfsizligi” degan soʻzlar bilan almashtirilsin;

16) 6.9-banddagi “IIV-IIB DAN boshqarmasi (boʻlimi, boʻlinmasi)ning” degan soʻzlar “Qoraqalpogʻiston Respublikasi IIV, viloyatlar ichki ishlar boshqarmalari Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi Yoʻl harakati xavfsizligi boshqarmasi, DYHXXning hududiy boʻlimi (boʻlinmasi)ning” degan soʻzlar bilan almashtirilsin;

17) 6.12-banddagi “DAN xizmatida” degan soʻzlar “DYHXXda” qisqartmasi bilan almashtirilsin;

18) 6.14-band quyidagi tahrirda bayon etilsin:

“6.14. Kitoblar raqamlab chiqilgan, chilvirlangan, muhr bosilgan, Qoraqalpogʻiston Respublikasi IIV, viloyatlar ichki ishlar boshqarmalari Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi Yoʻl harakati xavfsizligi boshqarmasi, tuman (shahar) ichki ishlar boʻlimi devonxonasi (kanselyariyasi)da roʻyxatga olingan boʻlishi kerak.”;

19) 6.18-bandlardagi “Davlat avtomobil nazoratining roʻyxatlash va imtihon olish boʻlinmalarida (RIB)” degan soʻzlar “DYHXXning RIB (TRIB) larida” degan soʻzlar bilan almashtirilsin;

20) 6.19-banddagi “DAN RIB” qisqartmasi “DYHXXning RIB (TRIB)” qisqartmasi bilan almashtirilsin;

21) 7.8, 8.3.1, 8.3.7-bandlardagi “Davlat avtomobil nazorati” degan soʻzlar “DYHXX” qisqartmasi bilan almashtirilsin;

22) 8.1-band quyidagi tahrirda bayon etilsin:

“8.1. Maʼmuriy huquqbuzarlik toʻgʻrisidagi ishlar qonun doirasida hal etilayotganligini, huquqbuzarlik yuzasidan ish toʻgʻri yuritilayotganligini nazorat qilish Oʻzbekiston Respublikasi IIV Yoʻl harakati xavfsizligi Bosh boshqarmasi rahbariyati va Bosh boshqarma Yoʻl patrul xizmati faoliyatini tashkil etish va muvofiqlashtirish va maʼmuriy amaliyot boʻlimi, Qoraqalpogʻiston Respublikasi IIV, viloyatlar Ichki ishlar boshqarmalari Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi Yoʻl harakati xavfsizligi boshqarmasi rahbariyati, tuman (shahar) ichki ishlar idoralarining hamda mazkur idoralar Yoʻl harakati xavfsizligi boʻlinmalari rahbariyati tomonidan amalga oshiriladi.”;

23) 8.2-banddagi “DAN” qisqartmasi “DYHXXining joylardagi” degan soʻzlar bilan almashtirilsin;

24) 9.1-band quyidagi tahrirda bayon etilsin:

“9.1. Oʻzbekiston Respublikasi IIV Yoʻl harakati xavfsizligi Bosh boshqarmasi, Qoraqalpogʻiston Respublikasi Ichki ishlar vazirligi, viloyatlar Ichki ishlar boshqarmalari Yoʻl harakati xavfsizligi boshqarmalari va Toshkent shahar Ichki ishlar Bosh boshqarmasi Yoʻl harakati xavfsizligi boshqarmasining maʼmuriy amaliyot xodimlari”;

25) 9.1.1-banddagi “Maʼmuriy amaliyot boʻlimi (boʻlinmasi, guruhi) joylardagi DAN boʻlim (boʻlinma)larining” degan soʻzlar “Maʼmuriy amaliyot boʻlimi DYHXXning joylardagi” degan soʻzlar bilan, “Davlat avtomobil nazoratining” degan soʻzlar “DYHXXning” qisqartmasi bilan almashtirilsin;

26) 9.1.2-banddagi “Davlat avtomobil nazoratining” degan soʻzlar “DYHXX idoralarining” degan soʻzlar bilan almashtirilsin;

27) 9.1.4-banddagi “joylardagi DAN boʻlim (boʻlinma)lari” degan soʻzlar “DYHXXning joylardagi boʻlim (boʻlinma)lari” degan soʻzlar bilan almashtirilsin;

28) 9.1.7-banddagi “DAN boʻlim (boʻlinma)lari” degan soʻzlar “DYHXXning joylardagi boʻlim (boʻlinma)lari” degan soʻzlar bilan almashtirilsin;

29) 9.1.8-banddagi “DAN Bosh boshqarmasiga” degan soʻzlar “Yoʻl harakati xavfsizligi Bosh boshqarmasiga” degan soʻzlar bilan almashtirilsin;

30) 9.2-band quyidagi tahrirda bayon etilsin:

“9.2. Tuman (shahar) ichki ishlar boʻlimi DYHXX hududiy boʻlinmasining maʼmuriy huquqbuzarliklar toʻgʻrisidagi ishlarni koʻrib chiqish boʻyicha inspektori”;

31) Yoʻriqnomaga 1-sonli ilovadagi “DAN mansabdor shaxslari” degan soʻzlar “DYHXX mansabdor shaxslari” degan soʻzlar bilan, “DAN boʻlinmasiga” degan soʻzlar “DYHXX hududiy boʻlinmasiga” degan soʻzlar bilan almashtirilsin;

32) Yoʻriqnomaga 3-sonli ilovadagi “DAN” qisqartmasi “DYHXX hududiy boʻlimi (boʻlinmasi)” degan soʻzlar bilan almashtirilsin;

33) Yoʻriqnomaga 10, 11, 12-sonli ilovalardagi “DAN” qisqartmasi “DYHXX hududiy boshqarma (boʻlim, boʻlinmasi)ning” degan soʻzlar bilan almashtirilsin;

34) Yoʻriqnomaga 12-sonli ilovadagi “IIB (DAN) burchak shtampi” degan soʻzlar “IIB (DYHXX) burchak shtampi” degan soʻzlar bilan, “ichki ishlar idorasining (DAN) nomi” degan soʻzlar “(DYHXX) xizmat nomi” degan soʻzlar bilan almashtirilsin.