Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Oʻztransgaz” aksionerlik kompaniyasi faoliyatini tashkil etishni takomillashtirish chora-tadbirlari toʻgʻrisida” 2006-yil 8-avgustdagi PQ-438-son qarori) (227-son)

03.11.2006

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻztransgaz” aksionerlik kompaniyasi faoliyatini tashkil etishni takomillashtirish chora-tadbirlari toʻgʻrisida” 2006-yil 8-avgustdagi PQ-438-son qaroriga muvofiq Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2006-yil 3-noyabr,

227-son

Vazirlar Mahkamasining 2006-yil 3-noyabrdagi 227-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 1995-yil 26-maydagi 185-son qarori (Oʻzbekiston Respublikasi QT, 1995-y., 5-son, 18-modda) bilan tasdiqlangan Uy-joy fondida va ijtimoiy-madaniy maqsadlardagi obyektlarda suv va gazni hisobga olish asboblarini oʻrnatish va ulardan foydalanish haqidagi nizom II boʻlimining toʻrtinchi xatboshidagi “hududiy kommunal-foydalanish birlashmalari” soʻzlari “Oʻztransgaz” aksiyadorlik kompaniyasi” soʻzlari bilan almashtirilsin.

2. Vazirlar Mahkamasining “Qishloq xoʻjaligi korxonalarini fermer xoʻjaliklariga aylantirish chora-tadbirlari toʻgʻrisida” 2002-yil 5-yanvardagi 8-son qarori (Oʻzbekiston Respublikasi QT, 2002-y., 1-son, 2-modda) 7-bandining toʻrtinchi xatboshi “Oʻzkommunxizmat” agentligi” soʻzlaridan keyin “Oʻztransgaz” aksiyadorlik kompaniyasining mintaqalararo unitar korxonalari” soʻzlari qoʻshilsin.

4. Vazirlar Mahkamasining “Moliyalashtirishning markazlashtirilgan manbalari hisobiga qurilgan foydalanishga topshirilayotgan obyektlarning muhandislik tarmoqlari va inshootlarini xizmat koʻrsatuvchi tashkilotlar balansiga berish tartibi toʻgʻrisidagi nizomni tasdiqlash haqida” 2004-yil 26-oktabrdagi 502-son qarorida (Oʻzbekiston Respublikasi QT, 2004-y., 10-son, 101-modda):

2-bandi “Oʻzkommunxizmat” agentligi” soʻzlaridan keyin “Oʻztransgaz” aksiyadorlik kompaniyasining mintaqalararo unitar korxonalari” soʻzlari qoʻshilsin;

ilovaning 1-bandi “Oʻzkommunxizmat” agentligi” soʻzlaridan keyin “Oʻztransgaz” aksiyadorlik kompaniyasining mintaqalararo unitar korxonalari” soʻzlari qoʻshilsin.