Umumtaʼlim muassasalari huzuridagi maxsus komissiyalar toʻgʻrisidagi nizomga oʻzgartirish va qoʻshimchalar kiritish haqida (1534-1-son)

03.10.2006

OʻZBEKISTON RESPUBLIKASI XALQ TAʼLIMI VAZIRLIGI OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGI OʻZBEKISTON RESPUBLIKASI VAZIRLAR MAHKAMASI HUZURIDAGI DAVLAT TEST MARKAZINING

Qarori

[Oʻzbekiston Respublikasi Adliya vazirligi tomonidan 2006-yil 3-oktabrda 1534-1-son bilan davlat roʻyxatidan oʻtkazilgan]

Oʻzbekiston Respublikasi Prezidentining 2006-yil 31-maydagi PQ-362-sonli “Umumtaʼlim maktablarini darsliklar bilan taʼminlash tizimini rivojlantirishning qoʻshimcha choralari toʻgʻrisida”gi qarori (Oʻzbekiston Respublikasi Qonun hujjatlari toʻplami, 2006-yil, 22-son, 190-modda) ijrosini taʼminlash maqsadida hamda taʼlim muassasalarida xalq taʼlimi xodimlari mehnatiga haq toʻlashning takomillashtirilgan tizimini joriy etish boʻyicha toʻplangan tajribalarni va pedagoglar jamoatchiligining takliflarini inobatga olgan holda qaror qilamiz:

1. Oʻzbekiston Respublikasi Mehnat va aholini ijtimoiy muhofaza qilish vazirligi, Xalq taʼlimi vazirligi, Vazirlar Mahkamasi huzuridagi Davlat test markazining 2005-yil 30-dekabrdagi 41, 5067 va 84-01-1375-sonli qarori bilan tasdiqlangan Umumtaʼlim muassasalari huzuridagi maxsus komissiyalar toʻgʻrisidagi nizomga (2006-yil 3-yanvar, roʻyxat raqami 1534 — Oʻzbekiston Respublikasi Qonun hujjatlari toʻplami, 2006-yil, 1-son, 5-modda) ilovaga* muvofiq oʻzgartirish va qoʻshimchalar kiritilsin.

* Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan keyin kuchga kiritilsin.

Xalq taʼlimi vaziri T. JOʻRAYEV

Toshkent sh.,

2006-yil 11-sentabr,

28-son

Mehnat va aholini ijtimoiy muhofaza qilish vaziri O. OBIDOV

Toshkent sh.,

2006-yil 11-sentabr,

11/2870-son

Vazirlar Mahkamasi huzuridagi Davlat test markazi direktori B. ISMOILOV

Toshkent sh.,

2006-yil 11-sentabr,

01-280-son