Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish hamda baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Mahsulotlar va xizmatlarni sertifikatlashtirish tartib-taomillari soddalashtirilganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” 2006-yil 6-apreldagi OʻRQ-31-son Qonuni) (194-son)

14.09.2006

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Mahsulotlar va xizmatlarni sertifikatlashtirish tartib-taomillari soddalashtirilganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” 2006-yil 6-apreldagi OʻRQ-31-son Qonuniga binoan Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin, shuningdek baʼzilari oʻz kuchini yoʻqotganligi eʼtirof etilsin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2006-yil 14-sentabr,

194-son

Vazirlar Mahkamasining 2006-yil 14-sentabrdagi 194-son qaroriga ILOVA

I. Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

3. Vazirlar Mahkamasining 1999-yil 26-martdagi 137-son qarori bilan tasdiqlangan Oʻzbekiston Respublikasi axborot resurslarini tayyorlash va ularni maʼlumotlarni uzatish tarmoqlarida, shu jumladan Internetda tarqatish tartibi toʻgʻrisidagi nizomning 15.1-bandi (Oʻzbekiston Respublikasi QT, 1999-y., 3-son, 17-modda) quyidagi tahrirda bayon etilsin:

“15.1. Sertifikatlanishi shart boʻlgan axborot mahsulotlari va xizmatlarini Oʻzbekiston Respublikasiga olib kirishda importyor mazkur mahsulotlar va xizmatlar belgilangan talablarga muvofiqligini tasdiqlovchi sertifikatni taqdim etadi.”.

4. Vazirlar Mahkamasining “Oʻzbekiston Respublikasida ishlab chiqariladigan tovarlarga shtrixli kodlashni joriy etish toʻgʻrisida” 1999-yil 21-sentabrdagi 438-son qarori bilan tasdiqlangan Oʻzbekiston Respublikasida ishlab chiqariladigan tovarlarni shtrixli kodlash toʻgʻrisidagi nizomda (Oʻzbekiston Respublikasi QT, 1999-y., 9-son, 56-modda):

a) beshinchi xatboshida, 1, 7-bandlarda, II boʻlimning nomlanishida “EAN” va “EAN International” soʻzlari “GS1” soʻzi bilan almashtirilsin;

b) 2-banddagi “Tovarlari EAN shtrixli kodlari bilan tamgʻalanishi kerak boʻlgan” va “EAN Uzbekistan” tovarlar va xizmatlarni avtomatik identifikatlashtirish markazida roʻyxatdan oʻtadilar” soʻzlari “oʻz tovarlari GS1 shtrix kodlari bilan tamgʻalanishi istagini bildirgan” va “GS1 Uzbekistan” uyushmasida roʻyxatdan oʻtadilar” soʻzlari bilan almashtirilsin;

v) 3-banddagi “shtrixli kodlashtirilishi kerak boʻlgan” soʻzlari “oʻz tovarlari GS1 shtrixli kodlari bilan tamgʻalanishi istagini bildirgan” soʻzlari bilan almashtirilsin;

g) 5-banddagi:

“EAN Uzbekistan” markazida” soʻzlari “GS1 Uzbekistan” uyushmasida” soʻzlari bilan;

“EAN” soʻzi “GS1” soʻzi bilan almashtirilsin;

d) 8-band quyidagi tahrirda bayon etilsin:

“Mahsulot (tovar)larni GS1 shtrix kodlari bilan tamgʻalash tadbirkorlik faoliyati subyekti tomonidan GS1 tasniflash va kodlash sohasida roʻyxatdan oʻtkazish tartib raqami, ishlab chiqarilayotgan tovarning raqamli kodi va shtrixli kodning original-maketi olingandan keyin ixtiyoriy ravishda amalga oshiriladi”;

e) 9-banddagi “ularni EAN shtrixli kodi bilan tamgʻalashni taʼminlaydilar” soʻzlari “ularni shuningdek GS1 shtrixli kodi bilan tamgʻalashlari mumkin” soʻzlari bilan almashtirilsin.

5. Vazirlar Mahkamasining “Oʻzbekiston Respublikasida transport-ekspeditorlik faoliyatini tartibga solishni takomillashtirish toʻgʻrisida” 2000-yil 9-sentabrdagi 348-son qarori bilan tasdiqlangan Transport-ekspeditorlik korxonalari toʻgʻrisidagi nizom va transport-ekspeditorlik xizmatlari koʻrsatish tartibida (Oʻzbekiston Respublikasi QT, 2000-y., 9-son, 59-modda):

a) 13-banddagi “Transport vositalari, terminallar va transport-ekspeditorlik faoliyatining boshqa obyektlari, shuningdek” soʻzlari chiqarib tashlansin;

b) 14-banddagi “vakolatli davlat organi yoki u vakil qilgan organ tomonidan” soʻzlari “qonun hujjatlariga muvofiq” soʻzlari bilan almashtirilsin.

6. Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qarori bilan tasdiqlangan Oʻzbekiston Respublikasida chakana savdo qoidalarida (Oʻzbekiston Respublikasi QT, 2003-y., 2-son, 15-modda):

a) 14-bandda:

oʻninchi xatboshida “muvofiqlik sertifikati” soʻzlari “majburiy tartibda sertifikatlanishi shart boʻlgan mahsulotlarga muvofiqlik sertifikati” soʻzlari bilan almashtirilsin;

oʻn toʻrtinchi xatboshiga “(majburiy tartibda sertifikatlanishi shart boʻlgan mahsulotlarni sotishda)” soʻzlari qoʻshilsin;

b) 37-bandning oltinchi xatboshiga “(majburiy tartibda sertifikatlanishi shart boʻlgan mahsulotlar uchun)” soʻzlari qoʻshilsin;

v) 119-bandning birinchi qismidagi “belgilangan namunadagi hujjat berilgan holda sertifikatsiyadan oʻtgan” soʻzlari “muvofiqlik sertifikatiga ega boʻlgan (majburiy tartibda sertifikatlanishi shart boʻlsa)” soʻzlari bilan almashtirilsin.

9. Vazirlar Mahkamasining “Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida” 2004-yil 6-iyuldagi 318-son qarori bilan tasdiqlangan Mahsulotlarni sertifikatlashtirish tartibi toʻgʻrisidagi nizomning 33, 34-bandlarida va Mahsulotlarni sertifikatlashtirish tartiboti sxemasida (Oʻzbekiston Respublikasi QT, 2004-y., 7-son, 63-modda) “EAN” soʻzi GS1 soʻzi bilan almashtirilsin.

II. Oʻzbekiston Respublikasi Hukumatining oʻz kuchini yoʻqotganligi eʼtirof etiladigan qarorlari

1. Oʻzbekiston SSR Ministrlar Soveti va SSSR Mahsulot sifatini boshqarish va standartlar davlat komitetining “Oʻzbekiston SSRda mahsulotni sertifikatsiyalashni joriy etish ishlarini tashkil etish haqida” 1990-yil 2-fevraldagi 66-son qarori.

2. Vazirlar Mahkamasining “Sertifikatlashtirilishi shart boʻlgan mahsulotlar roʻyxatini, sertifikatlashtirishni oʻtkazish, xavfsizligini tasdiqlash talab etiladigan tovarlarni Oʻzbekiston Respublikasi hududiga keltirish va ularni uning tashqarisiga chiqarish tartibini tasdiqlash haqida” 1994-yil 12-avgustdagi 409-son qarorining 5, 11 va 12-bandlari va qarorga 2-ilova (Oʻzbekiston Respublikasi QT, 1994-y., 8-son, 38-modda).

3. Vazirlar Mahkamasining “Oʻzbekiston Respublikasida ishlab chiqariladigan tovarlarga shtrixli kodlashni joriy etish toʻgʻrisida” 1999-yil 21-sentabrdagi 438-son qarori bilan tasdiqlangan Oʻzbekiston Respublikasida ishlab chiqariladigan tovarlarni shtrixli kodlash toʻgʻrisidagi nizomning III va IV boʻlimlari (Oʻzbekiston Respublikasi QT, 1999-y., 9-son, 56-modda).