Oʻzbekiston Kompartiyasi markaziy komiteti va Oʻzbekiston SSR Ministrlar Sovetining 1990-yil 26-sentabrdagi 323-son qarori bilan tasdiqlangan siyosatshunoslik va boshqaruv instituti toʻgʻrisidagi nizomga oʻzgartirishlar kiritish haqida (311-son)

16.12.1991

Oʻzbekiston Respublikasi Prezidenti huzuridagi Vazirlar Mahkamasining

qarori

Siyosatshunoslik va boshqaruv institutiga ishlab chiqarishdan ajralgan holda tinglovchilar yuborishni tartibga solish maqsadida Vazirlar Mahkamasi qaror qiladi:

Oʻzbekiston Respublikasi Moliya vazirligi bilan kelishilgan Siyosatshunoslik va boshqaruv institutining mazkur institut toʻgʻrisidagi nizomning IV boʻlimiga oʻzgartirish kiritib, 3-bandi quyidagicha bayon etilsin, degan taklifi qabul qilinsin: “Ishlab chiqarishdan ajralgan holda oliy taʼlim bazasida taʼlim olayotgan tinglovchilarga ular ishlagan joydagi oʻrtacha ish haqi saqlanib qoladi yoki oʻqishga yuborgan korxona, muassasa, tashkilot hisobiga oʻrtacha ish haqi hajmida stipendiya toʻlanadi. Qisqa muddatli kurslarning tinglovchilari moddiy jihatdan belgilangan tartibda taʼminlanadi”.

Oʻzbekiston Respublikasi Vitse-Prezidenti Sh. MIRSAIDOV

Toshkent sh.,

1991-yil 16-dekabr,

311-son