Tijorat banklari tomonidan kichik biznes subyektlariga budjetdan tashqari jamgʻarmalar va Tadbirkorbank kredit liniyalari hisobidan mikrokreditlar berish tartibi toʻgʻrisida nizomga oʻzgartirishlar va qoʻshimchalar kiritish haqida (1548-1-son)

08.08.2006

OʻZBEKISTON RESPUBLIKASI MARKAZIY BANKI BOShQARUVI OʻZBEKISTON RESPUBLIKASI MOLIYA VAZIRLIGINING

Qarori

[Oʻzbekiston Respublikasi Adliya vazirligi tomonidan 2006-yil 8-avgustda 1548-1-son bilan davlat roʻyxatidan oʻtkazilgan]

Oʻzbekiston Respublikasining “Oʻzbekiston Respublikasi Markaziy banki toʻgʻrisida” va “Banklar va bank faoliyati toʻgʻrisida”gi qonunlari asosida qaror qilamiz:

1. “Tijorat banklari tomonidan kichik biznes subyektlariga budjetdan tashqari jamgʻarmalar va Tadbirkorbank kredit liniyalari hisobidan mikrokreditlar berish tartibi toʻgʻrisida nizom”ga (2006-yil 21-fevral, roʻyxat raqami 1548 — Oʻzbekiston Respublikasi Qonun hujjatlari toʻplami, 2006-yil, 8-son, 60-modda) ilovaga muvofiq oʻzgartirishlar va qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiritilsin.

Markaziy bank Boshqaruvi raisi F. MULLAJONOV

Toshkent sh.,

2006-yil 16-iyul,

273-V-1-son

Moliya vaziri R. AZIMOV

Toshkent sh.,

2006-yil 16-iyul,

67-son

Markaziy bank Boshqaruvi va Moliya vazirligi tomonidan 2006-yil 16-iyuldagi 273-V-1 va 67-sonli qaror bilan TASDIQLANGAN

Tijorat banklari tomonidan kichik biznes subyektlariga budjetdan tashqari jamgʻarmalar va Tadbirkorbank kredit liniyalari hisobidan mikrokreditlar berish tartibi toʻgʻrisida nizomga kiritilayotgan oʻzgartirishlar va qoʻshimchalar

1. Nizomning nomi va butun matnidagi “Tadbirkorbank” soʻzi “Mikrokreditbank” soʻzi bilan almashtirilsin.

2. 33-banddagi “1/6” soni “1/4” soni bilan almashtirilsin.

3. 37-band quyidagi tahrirda bayon etilsin:

“37. Budjetdan tashqari jamgʻarmalar kredit liniyalari hisobidan kreditlar yakka tartibdagi tadbirkorlar va yuridik shaxs maqomiga ega boʻlmagan dehqon xoʻjaliklariga 5000 AQSh dollarining soʻmdagi ekvivalentidan hamda yuridik shaxs maqomini olib faoliyat koʻrsatayotgan tadbirkorlik subyektlariga 10 000 AQSh dollarining soʻmdagi ekvivalentidan koʻp boʻlmagan miqdorda beriladi.

Aholi bandligini taʼminlashning hududiy va maqsadli dasturlariga xizmat koʻrsatuvchi banklar bilan kelishilgan holda kiritilgan yuridik shaxslarga Ish bilan taʼminlashga koʻmaklashish davlat jamgʻarmasi mablagʻlari hisobidan yangi ish oʻrinlarini yaratishga maqsadli kreditlar 50 000 AQSh dollarining soʻmdagi ekvivalentigacha boʻlgan miqdorda beriladi”.

4. 39-band 4-xatboshidan keyin quyidagi tahrirdagi yangi xatboshi bilan toʻldirilsin:

“Aholi bandligini taʼminlashning hududiy va maqsadli dasturlariga kiritilgan yuridik shaxslarga Ish bilan taʼminlashga koʻmaklashish davlat jamgʻarmasi mablagʻlari hisobidan 10 000 AQSh dollarining soʻmdagi ekvivalentidan ortiq miqdordagi kreditlar Markaziy bankning amaldagi qayta moliyalash stavkasining 50 foizi miqdorida”.

5. 61-bandi yettinchi va sakkizinchi xatboshilari chiqarib tashlansin.

6. 63-band quyidagi tahrirda bayon etilsin:

“Kafillik bank foydasiga kafil va qarz oluvchi oʻrtasida tuziladigan yozma shakldagi 3 (uch) nusxada kafillik shartnomasi bilan rasmiylashtiriladi. Ushbu shartnomaning oxirgi betida kafil va qarzdor imzolaridan keyin, bank tomonidan mazkur kafillik qabul qilinganligi toʻgʻrisida bank filiali boshqaruvchisi tomonidan imzolangan va dumaloq muhr qoʻyilgan yozuv kiritiladi”.

7. 85-band “vazirligi” soʻzidan keyin “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari bilan toʻldirilsin.

8. Mazkur oʻzgartirishlar va qoʻshimchalar Oʻzbekiston Respublikasining Mehnat va aholini ijtimoiy muhofaza qilish vazirligi, Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, Oʻzbekiston Respublikasi Savdo-sanoat palatasi va Oʻzbekiston Respublikasi fermer xoʻjaliklari uyushmasi bilan kelishilgan.

Mehnat va aholini ijtimoiy muhofaza qilish vaziri O. OBIDOV

Toshkent sh.,

2006-yil 16-iyul

Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi raisi v. b. B. ULAShEV

Toshkent sh.,

2006-yil 16-iyul,

Savdo-sanoat palatasi raisi A. ShAYXOV

Toshkent sh.,

2006-yil 16-iyul

Oʻzbekiston fermer xoʻjaliklari uyushmasi raisi S. QOBILOV

Toshkent sh.,

2006-yil 16-iyul