Oʻzbekiston Respublikasi Davlat narxlar qoʻmitasining strukturasi haqida (257-son)

15.10.1991

Oʻzbekiston Respublikasi Prezidenti huzuridagi Vazirlar Mahkamasining

qarori

Bozor munosabatlariga oʻtish sharoitida respublikada narx belgilashni yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Davlat narxlar qoʻmitasining markaziy apparati strukturasi 1-ilovaga muvofiq 88 kishidan iborat etib tasdiqlansin.

2. Oʻzbekiston Respublikasining Davlat narxlar qoʻmitasiga Raisning uch nafar oʻrinbosari, shu jumladan, bir nafar birinchi oʻrinbosari va yetti kishidan iborat hayʼatga ega boʻlishga ruxsat etilsin.

3. Oʻzbekiston Respublikasi Moliya vazirligi Oʻzbekiston Respublikasi Davlat narxlar qoʻmitasi bilan birgalikda Qoʻmita markaziy apparatining yangi strukturasiga muvofiq ish haqi fondini belgilasin.

4. Respublika vazirliklari, idoralari, konsernlari, korxonalari va tashkilotlari narxlar boʻyicha struktura boʻlinmalarini mutaxassislar bilan mustahkamlasinlar, bunday boʻlinmalar boʻlmagan joyda ularni tuzsinlar.

5. Bozor iqtisodiyotiga oʻtish sharoitida narxlarni muvofiqlashtirish va barqarorlashtirishni taʼminlash maqsadida 2-ilovaga* muvofiq tarkibda respublika komissiyasi tuzilsin.

* 2 ilova kiritilmagan

6. Oʻzbekiston Respublikasi Davlat narxlar qoʻmitasi Adliya vazirligi, Moliya vazirligi va Oʻzbekiston Respublikasi Iqtisodiyot qoʻmitasi bilan kelishgan holda bir oy muddat ichida Qoʻmita haqidagi nizomni Vazirlar Mahkamasiga tasdiqlash uchun kiritsin.

7. Oʻzbekiston SSR Ministrlar Sovetining 1988-yil 22-fevraldagi 66-son qarorining 10 va 11-bandlari va Oʻzbekiston SSR Ministrlar Sovetining 1989-yil 26-maydagi 178-son qarori oʻz kuchini yoʻqotgan deb hisoblansin.

Oʻzbekiston Respublikasining Vitse-Prezidenti Sh. MIRSAIDOV

Toshkent sh.,

1991-yil 15-oktabr,

257-son

Vazirlar Mahkamasining 1991-yil 15-oktabrdagi 257-son qaroriga 1-ILOVA

Oʻzbekiston Respublikasi Davlat narxlar qoʻmitasi markaziy apparatining

TUZILIShI

Rahbariyat

Rahbariyat huzuridagi apparat

Narx belgilash metodologiyasi va analitik ishlarni tashkil etish boʻlimi

Narxlarni nazorat qilish Bosh boshqarmasi

Ishlab chiqarish-texnika yoʻnalishidagi sanoat mahsulotiga va qurilish materiallariga narx belgilash qoʻshma-iqtisodiyot boʻlimi

Mashinasozlik mahsulotiga narxlar belgilash boʻlimi

Yoqilgʻi-energetika va kimyo kompleksida narxlar boʻlimi

Eksport va import mahsulotiga narxlar belgilash boʻlimi

Xalq isteʼmoli mollariga narxlar belgilash qoʻshma-iqtisodiyot boʻlimi

Qishloq xoʻjaligi mahsulotiga narxlar belgilash qoʻshma-iqtisodiyot boʻlimi

Oziq-ovqat mollari va umumiy ovqatlanish mahsuloti narxlari boʻlimi

Noishlab chiqarish sohasida, transportda va aloqada tariflar va narxlar boʻlimi

Ishlar boshqarmasi

Oʻzbekiston Respublikasi Davlat narxlar qoʻmitasi huzurida

Preyskurantlarni nashr etish va joʻnatish boʻyicha xoʻjalik hisobidagi byuro boʻladi