Oʻzbekiston Respublikasida naqd pulsiz hisob-kitoblar toʻgʻrisidagi nizomga qoʻshimchalar kiritish toʻgʻrisida (1122-5-son)

19.07.2006

OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2006-yil 19-iyulda 1122-5-son bilan davlat roʻyxatidan oʻtkazilgan]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasida naqd pulsiz hisob-kitoblar toʻgʻrisidagi nizomga (2002-yil 15-aprel, roʻyxat raqami 1122) ilovaga muvofiq qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtganidan soʻng 10 kundan keyin kuchga kiradi.

Markaziy bank Boshqaruvi raisi F. MULLAJONOV

Toshkent sh.,

2006-yil 15-iyun,

13/8-son

Markaziy bank Boshqaruvining 2006-yil 15-iyundagi 13/8-sonli qaroriga ILOVA

Oʻzbekiston Respublikasida naqd pulsiz hisob-kitoblar toʻgʻrisidagi nizomga kiritilayotgan qoʻshimchalar

1. 3-band quyidagi mazmundagi xatboshisi bilan toʻldirilsin:

“Banklar “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish toʻgʻrisida”gi Oʻzbekiston Respublikasining qonuniga muvofiq mijozlarning hisobvaraqlari boʻyicha operatsiyalarni toʻxtatib turishga yoki ularni bajarishni rad etishga haqlidir”.

2. 41-band “a” kichik bandidagi “budjetdan tashqari Pensiya jamgʻarmasi” soʻzlaridan keyin “budjetdan tashqari Maktab taʼlimi jamgʻarmasi” soʻzlari bilan toʻldirilsin.