Paxta xom ashyosi va paxta tolasining xarid hamda ulgurji narxlarini oshirish toʻgʻrisida (246-son)

26.09.1991

Oʻzbekiston Respublikasi Prezidenti huzuridagi Vazirlar Mahkamasining

qarori

Paxtachilikning iqtisodiy samaradorligini oshirish, shuningdek, kolxozlar, sovxozlar, ijarachi jamoalar va fermer xoʻjaliklarining oshirilgan ulgurji narxlarda moddiy-texnika resurslarini sotib olishga sarflagan xarajatlarini qisman qoplash maqsadida Vazirlar Mahkamasi qaror qiladi:

1. Oʻzbekiston Respublikasi Davlat narxlar qoʻmitasi va Oʻzbekiston Respublikasi Qishloq xoʻjaligi vazirligining 1991-yil hosilidan olingan paxta xomashyosi xarid narxlarini va paxta tolasining ulgurji narxlarini 1 va 2-ilovalarga muvofiq tiplari va sortlariga qarab oshirish toʻgʻrisidagi taklifi qabul qilinsin.

2. Oʻzbekiston Respublikasi Davlat narxlar qoʻmitasi bir hafta muddat ichida mazkur qarorning 1-bandiga muvofiq yangi xarid va ulgurji narxlar narxnomalarini nashr etsin va uni manfaatdor tashkilotlarga yetkazsin.

3. Oʻzbekiston Respublikasi Davlat narxlar qoʻmitasi Oʻzbekiston Respublikasi Qishloq xoʻjaligi vazirligi va “Paxtasanoat” ilmiy-ishlab chiqarish birlashmasi bilan birgalikda lint, oʻlik paxta va paxta tozalash sanoatining boshqa qoʻshimcha mahsulotlari ulgurji narxlari darajasini qaytadan koʻrib chiqsin.

Vazirlar Mahkamasining Raisi I. KARIMOV

Toshkent sh.,

1991-yil 26-sentabr,

246-son

Vazirlar Mahkamasining 1991-yil 26-sentabrdagi 246-son qaroriga 1-ILOVA

Paxta xomashyosi uchun DAVLAT XARID NARXLARI

Vazirlar Mahkamasining 1991-yil 26-sentabrdagi 246-son qaroriga 2-ILOVA

Paxta tolasi uchun ULGURJI NARXLAR

Eslatma. Davlat buyurtmasidan tashqari yetkazib beradigan paxta tolasi hajmlari shartlashilgan narxlar boʻyicha sotiladi.