Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomni tasdiqlash haqida (1587-son)

23.06.2006

Oʻzbekiston Respublikasi Qishloq va suv xoʻjaligi vazirining

BUYRUGʻI

[Oʻzbekiston Respublikasi Adliya vazirligi tomonidan 2006-yil 23-iyunda 1587-son bilan davlat roʻyxatidan oʻtkazilgan]

Oʻzbekiston Respublikasining “Naslchilik toʻgʻrisida”gi Qonuniga hamda Oʻzbekiston Respublikasi Prezidentining 2006-yil 23-martdagi “Shaxsiy yordamchi, dehqon va fermer xoʻjaliklarida chorva mollarni koʻpaytirishni ragʻbatlantirish chora-tadbirlari toʻgʻrisida”gi PQ–308-sonli qarori ijrosini taʼminlash maqsadida buyuraman:

1. Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtganidan keyin kuchga kiradi.

3. Mazkur buyruqning ijrosini nazorat qilish vazir oʻrinbosari O. Ollaberganov zimmasiga yuklansin.

Qishloq va suv xoʻjaligi vaziri S. ISMOILOV

Toshkent sh.,

2006-yil 22-may,

106-son

Qishloq va suv xoʻjaligi vazirining 2006-yil 22-maydagi 106-son buyrugʻi bilan TASDIQLANGAN

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi

NIZOM

Mazkur Nizom Oʻzbekiston Respublikasining “Naslchilik toʻgʻrisida”gi Qonuniga hamda Oʻzbekiston Respublikasi Prezidentining 2006-yil 23-martdagi “Shaxsiy yordamchi, dehqon va fermer xoʻjaliklarida chorva mollarni koʻpaytirishni ragʻbatlantirish chora-tadbirlari toʻgʻrisida”gi PQ–308-son qaroriga muvofiq, xoʻjalik yurituvchi subyektlarga naslchilik xoʻjaliklari maqomini berish tartibini hamda ular faoliyatiga qoʻyiladigan talablarni belgilaydi.

I. Umumiy qoidalar

Mazkur Nizom talablari mulkchilik shaklidan qatʼiy nazar barcha yuridik va jismoniy shaxslarga tatbiq etiladi.

Naslchilik subyektiga naslchilik xoʻjaligi maqomini berish Oʻzbekiston Respublikasining “Naslchilik toʻgʻrisida”gi Qonuni hamda mazkur Nizomga muvofiq Qishloq va suv xoʻjaligi vazirligining Chorvachilikda naslchilik ishlari bosh davlat inspeksiyasi tomonidan amalga oshiriladi.

II. Asosiy tushunchalar

Mazkur Nizomda quyidagi asosiy tushunchalar qoʻllaniladi:

bonitirovka — hayvonlarning nasldorlik va mahsuldorlik sifatlarini baholash;

identifikatsiya — hayvonning kelib chiqishini aniqlash imkonini beradigan tamgʻalangan yoki biror yoʻsinda qoʻyilgan belgi;

naslchilik — seleksiya maqsadida nasldor hayvonlarni urchitish, naslli mahsulot yetishtirish va undan foydalanish;

nasldor hayvon — kelib chiqishi hujjatlar bilan tasdiqlangan, muayyan zotni takror koʻpaytirish uchun foydalaniladigan va belgilangan tartibda roʻyxatga olingan hayvon;

naslli mahsulot (material) — nasldor hayvon, uning urugʻi va embirionlari, nasldor tuxum, ipak qurti urugʻi;

naslchilik obyektlari — nasldor hayvonlar — qoramollar, qoʻylar, echkilar, otlar, tuyalar, choʻchqalar, shuningdek parrandalar, baliqlar, asalarilar, ipak qurti, yovvoyi hayvonlar va ularning naslli mahsulotlari hisoblanadi;

naslchilik subyektlari — naslchilik ishi bilan shugʻullanuvchi ilmiy-tadqiqot muassasalari, korxonalar va xoʻjaliklar, seleksiya markazlari, ippodromlar, immunogenetik nazorat laboratoriyalari, nazorat sinov stansiyalari, embrionlarni koʻchirib oʻtkazish (transplantatsiya) markazlari hamda boshqa yuridik va jismoniy shaxslar — naslli mahsulot egalari hisoblanadi;

talabgor subyekt — naslchilik xoʻjaligi maqomini olish uchun ariza bilan murojaat qilgan yuridik va jismoniy shaxs.

III. Komissiya tarkibi va komissiya majlislarini oʻtkazish tartibi

1. Naslchilik subyektiga naslchilik xoʻjaligi maqomini berish Oʻzbekiston Respublikasi Qishloq va suv xoʻjaligi vaziri buyrugʻi asosida tuziladigan doimiy attestatsion komissiya (keyingi oʻrinlarda — komissiya) xulosasiga muvofiq Qishloq va suv xoʻjaligi vazirligining Chorvachilikda naslchilik ishlari bosh davlat inspeksiyasi tomonidan amalga oshiriladi.

2. Komissiya oʻz faoliyatini mazkur Nizom talablariga muvofiq amalga oshiradi.

3. Komissiya tarkibi 9 kishidan iborat tarkibda tuzilib, uning tarkibiga vazirlik va uning tizimida chorvachilik bilan shugʻullanuvchi tashkilotlar rahbarlari va mutaxassislari kiritiladi.

4. Chorvachilikda naslchilik ishlari bosh davlat inspeksiyasi boshligʻi (lavozimiga koʻra) komissiya raisi hisoblanadi.

5. Komissiya ishini Rais tashkil qiladi, komissiya ish tartibini tasdiqlaydi va majlis oʻtkaziladigan sanani belgilaydi.

6. Komissiya raisi komissiya majlisini olib boradi, dalolatnoma va komissiyaning boshqa hujjatlarini imzolaydi. Rais vaqtincha oʻz oʻrnida boʻlmagan hollarda komissiya aʼzolaridan biri komissiya raisi vazifasini bajarib turuvchi etib tayinlanadi.

7. Komissiyaning barcha hujjatlari komissiya aʼzolari umumiy sonining oddiy koʻpchilik ovozi bilan qabul qilinadi. Ovozlar teng boʻlgan taqdirda komissiya raisining ovozi hal qiluvchi hisoblanadi.

8. Chorvachilikda naslchilik ishlari bosh davlat inspeksiyasining hududiy naslchilik inspeksiyalari komissiyaning ishchi organi hisoblanadi.

9. Komissiya raisi ishchi organ ishini tashkil etadi va uning faoliyatiga umumiy rahbarlikni amalga oshiradi.

IV. Naslchilik xoʻjaligi maqomini berish tartibi

10. Naslchilik xoʻjaligi maqomini berishda komissiya talabgor subyektning ishlab chiqarish faoliyati xamda naslli mahsulotning son va sifat koʻrsatkichlarini mazkur Nizomning 1—23-ilovalarida belgilangan eng kam talablarga mos kelishi yoki mos kelmasligini tahlil qiladi.

11. Talabgor subyekt naslchilik xoʻjaligi maqomini olish uchun hududiy naslchilik insseksiyalariga tegishli ilovalarni toʻldirib, komissiya raisi nomiga yozilgan ariza bilan murojaat qiladi.

12. Hududiy naslchilik inspeksiyalari bir haftalik muddatda ariza bilan murojaat qilgan talabgorning hujjatlari hamda joylardagi holatini koʻrib chiqib, talabga javob beradigan talabgorning hujjatlarini uch kunlik muddatda komissiyaga taqdim qiladi.

Mazkur Nizomda belgilangan talablarga javob bermaydigan hujjatlari rad etilgan talabgorga uch kun ichida asoslantirilgan yozma javob beriladi.

13. Arizasi rad etilgan talabgor joylardagi naslchilik inspeksiyalari tomonidan koʻrsatib oʻtilgan kamchiliklarni bartaraf etgan taqdirda, belgilangan tartibda qayta murojaat etishi mumkin.

14. Komissiya attestatsiya davomida talabgor subyektning quyidagi umumiy ahvolni oʻrganib chiqadi hamda tahlil qiladi:

naslchilik hisob-kitobi va hujjatlarini yuritilishini;

hayvonlarning kelib chiqishi genetik ekspertiza qilinganligini;

hayvonlarni oʻz mahsuldorligi va avlodining sifati boʻyicha baholanishini;

bonitirovka tadbirining muntazam oʻtkazib borishini;

urugʻ olishda faqat takror koʻpaytirishga ruxsat etilgan nasldor erkak hayvonlardan foydalanishini;

urugʻ va embirionlarni texnologik va veterinariya-sanitariya talablari sharoitida tayyorlashini;

nasldor hayvonlarni identifikatsiyalash va saqlashini;

naslli mahsulot sifatini kafolatlashini, sunʼiy urugʻlantirish ishlarini rejalashtirilgan zot boʻyicha olib borilishini.

15. Komissiya mazkur Nizomda belgilangan eng kam talablarga mos kelishi yoki mos kelmasligi haqidagi dalolatnoma tuzadi (24-ilova).

16. Komissiya dalolatnomasiga asosan talabgor subyektga Chorvachilikda naslchilik ishlari bosh davlat inspeksiyasi boshligʻining buyrugʻi bilan naslchilik xoʻjaligi maqomi beriladi.

17. Naslchilik xoʻjaligi maqomini olgan subyektlar Naslchilik xoʻjaliklari va podalarini roʻyxatga olish davlat reyestriga (keyingi oʻrinlarda — reyestr) kiritiladi.

18. Reyestrga kiritilgan naslchilik subyektlariga naslchilik xoʻjaligi maqomi berilganligi haqida guvohnoma beriladi (25-ilova).

19. Naslchilik xoʻjaligi maqomi berilganligi haqidagi guvohnoma besh yil muddatga beriladi.

20. Naslchilik xoʻjaligi maqomi berilganligi haqidagi guvohnoma muddati tugagandan soʻng naslchilik subyekti qayta attestatsiyadan oʻtkaziladi.

Qayta attestatsiya mazkur Nizom talablariga muvofiq amalga oshiriladi va belgilangan tartibda guvohnoma beriladi.

21. Qayta attestatsiyadan oʻtkaziluvchi naslchilik subyekti ariza bilan birga nasldor hayvonlarning asosiy son va sifat koʻrsatkichlari boʻyicha soʻnggi besh yillik maʼlumotlarni xam taqdim etadilar.

22. Komissiya tomonidan qayta attestatsiya oʻtkazilayotganda naslchilik obyektida yuqumsiz kasalliklar qayd etilsa, naslchilik subyektini karantin tugagunga qadar naslli mollar sotish huquqisiz ushbu toifada qoldiradi.

V. Naslchilik xoʻjaliklari faoliyatiga qoʻyiladigan talablar

23. Oʻzbekiston Respublikasining “Naslchilik toʻgʻrisidagi” Qonuniga muvofiq, naslchilik subyektlariga quyidagi talablar qoʻyiladi:

naslchilik subyekti urchitilayotgan hayvonlarning naslchilik-hisob kitoblari va hujjatlarini yuritilishini taʼminlashi;

naslchilik resurslari yaxshilanishi, saqlanishi, takror koʻpaytirilishi va ulardan oqilona foydalanishini taʼminlashi;

hayvonlar mahsuldorligi boʻyicha hisob-kitobini yuritish, hayvonlar tipini tasniflash, kelib chiqishini genetik ekspertiza qilish va ularni oʻz mahsuldorligi hamda avlodining sifati boʻyicha baholash talablarini bajarishi;

naslchilik subyektini har besh yilda attestatsiyadan oʻtkazish, nasldor erkak hayvonlarni aprobatsiya qilish va takror koʻpaytirish maqsadida ulardan foydalanishga ruxsatnoma olish uchun hujjatlarni Chorvachilikda naslchilik ishlari davlat inspeksiyasiga taqdim etishlari;

naslchilik subyektlari urugʻ olish uchun faqat takror koʻpaytirishga ruxsat etilgan nasldor erkak hayvonlardan foydalanishlari, urugʻ va embrionlarni texnologik va veterinariya-sanitariya talabnomalarida belgilangan shart-sharoitda tayyorlashlari, identifikatsiya qilishi va saqlashlari;

naslchilik subyekti naslli mahsulotning (materialning) sifatini kafolatlashlari;

naslchilik subyekti istiqbolli seleksiya-naslchilik ishi rejasi asosida sunʼiy urugʻlantirish ishlarini yoʻlga qoʻygan boʻlishi kerak.

24. Naslchilik subyekti sotiladigan har bir bosh naslli mahsulotining sifatini kafolatlovchi hujjat toʻldirishi shart.

VI. Naslchilik xoʻjaligi maqomini bekor boʻlish tartibi

25. Chorvachilikda naslchilik ishlari bosh davlat inspeksiyasi barcha toifadagi naslchilik xoʻjaliklarida naslchilik ishlarini yuritilishini nazorat qiladi.

26. Naslchilik xoʻjaliklarida naslchilik ishlarini nazorat qilish jarayonida, ularga qoʻyilgan talablar, naslchilik qoida va normalari buzilganligi yoki naslchilik subyektida surunkali yuqumli kasalliklar aniqlagan taqdirda, ishchi organ bu haqda komissiyaga aniqlangan holatlarni koʻrsatgan holda yozma xulosa beradi.

27. Komissiya naslchilik xoʻjaligidagi kamchiliklarni oʻrganib chiqib, aniqlangan holatlarni asosli deb topgan taqdirda, Chorvachilikda naslchilik ishlari bosh davlat inspeksiyasiga naslchilik xoʻjaligi maqomini bekor qilish boʻyicha dalolatnoma taqdim etadi.

28. Chorvachilikda naslchilik ishlari bosh davlat inspeksiyasi boshligʻi dalolatnoma asosida buyruq chiqaradi. Ushbu buyruq naslchilik xoʻjaligini reyestrdan chiqarishga hamda naslchilik maqomi berilganligi haqida guvohnomani bekor qilishga asos boʻladi.

29. Chorvachilikda naslchilik ishlari bosh davlat inspeksiyasi boshligʻining buyrugʻi yuzasidan qonun hujjatlariga muvofiq sudga shikoyat qilinishi mumkin.

VII. Yakuniy qoidalar

30. Mazkur Nizom Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash Davlat qoʻmitasi bilan kelishilgan.

Monopoliyadan chiqarish, raqobat va tadbirkorlikni qoʻllab-quvvatlash Davlat qoʻmitasi raisi vazifasini bajaruvchi B. ULAShOV

Toshkent sh.,

2006-yil 12-iyun

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 1-ILOVA

Sut-goʻsht, goʻsht-sut yoʻnalishidagi qoramolchilik xoʻjaliklari faoliyatiga naslchilik maqomini berishda qoʻyiladigan talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 2-ILOVA

Sut-goʻsht, goʻsht-sut yoʻnalishiga ixtisoslashgan xoʻjalikning asosiy ishlab chiqarish faoliyati hamda son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 3-ILOVA

Goʻsht yoʻnalishidagi qoramolchilik xoʻjaliklari faoliyatiga naslchilik xoʻjaligi maqomini berishda qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 4-ILOVA

Goʻsht yoʻnalishiga ixtisoslashgan xoʻjalikning asosiy ishlab chiqarish faoliyati hamda son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 5-ILOVA

Qoʻychilik va echkichilik xoʻjaliklariga naslchilik xoʻjaligi maqomini berishda qoʻyiladigan talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 6-ILOVA

Qoʻychilik xoʻjaligining mahsuldorlik hamda xoʻjalik ishlab chiqarish faoliyatidagi son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 7-ILOVA

Echkichilik xoʻjaliklarini mahsuldorlik hamda xoʻjalik ishlab chiqarish faoliyatini son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 8-ILOVA

Qorakoʻl qoʻylariga naslchilik xoʻjaligi maqomi berishda qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 9-ILOVA

Qorakoʻlchilik xoʻjaliklarining mahsuldorlik, ishlab chiqarish faoliyati son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 10-ILOVA

Yilqichilik naslchilik xoʻjaligiga qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 11-ILOVA

Yilqichilik naslchilik xoʻjaliklarining xoʻjalik ishlab chiqarish faoliyati son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 12-ILOVA

Choʻchqachilik naslchilik xoʻjaliklariga qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 13-ILOVA

Choʻchqachilik xoʻjaligida ishlab chiqarish faoliyatining son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 14-ILOVA

Moʻynachilik naslchilik xoʻjaliklarini baholashdagi eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 15-ILOVA

Moʻynachilik xoʻjaliklarining xoʻjalik ishlab chiqarish faoliyati va hayvonlar mahsuldorligi, son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 16-ILOVA

Quyonchilik xoʻjaliklarida naslchilik maqomi berishda qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 17-ILOVA

Quyonchilik naslchilik xoʻjaliklaridagi hayvonlarning mahsuldorlik va xoʻjalik ishlab chiqarish faoliyatini son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 18-ILOVA

Naslli parrandachilik xoʻjaliklariga naslchilik maqomi berishda qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 19-ILOVA

Parrandachilik xoʻjaligining xoʻjalik ishlab chiqarish faoliyati mahsuldorlik, son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 20-ILOVA

Baliqchilik naslchilik xoʻjaliklariga qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 21-ILOVA

Asalarichilik naslchilik xoʻjaliklariga qoʻyiladigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 22-ILOVA

Tut ipak qurti naslchilik xoʻjaliklariga naslchilik maqomini berishda qoʻllanadigan eng kam talablar

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 23-ILOVA

Tut ipak qurti yetishtiruvchi naslchilik xoʻjaligining ishlab chiqarish faoliyati mahsuldorlik, son va sifat koʻrsatkichlari

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 24-ILOVA

Naslchilik xoʻjaliklari maqomini berish tartibi hamda ular faoliyatiga qoʻyiladigan talablar toʻgʻrisidagi nizomga 25-ILOVA

(Oʻzbekiston Respublikasi qonun hujjatlari toʻplami, 2006-y., 25-26-son, 244-modda)