Oʻzbekiston Respublikasida bayram kunlari toʻgʻrisida (669-XII-son)

03.07.1992

Hujjat kuchini yo‘qotgan 27.12.1996

Oʻzbekiston Respublikasining qonuni

Tarixan tarkib topgan milliy anʼanalarga asoslanib, demokratizm, insonparvarlik qoidalariga yondashgan holda va fuqarolar oʻrtasida totuvlikni va marhamatlilikni mustahkamlash maqsadida Oʻzbekiston Respublikasi Oliy Kengashi qaror qiladi:

1. Quyidagi kunlar Oʻzbekiston Respublikasi hududida bayram (dam olish) kunlari deb belgilansin: 1-yanvar — Yangi yil, 8-mart — Xotin-qizlar kuni, 21-mart — Navroʻz bayrami, 9-may — Gʻalaba kuni, 1-sentabr — Mustaqillik kuni, Roʻza xayit (Iyid al Fitr)ning birinchi kuni va qurbon xayit (Iyd al Adxa)ning birinchi kuni.

2. Oʻzbekiston Respublikasining 1971-yil 17-dekabrdagi qonuni bilan tasdiqlangan Oʻzbekiston Respublikasining Mehnat toʻgʻrisidagi qonunlari Kodeksining 77-moddasi (Oʻzbekiston Respublikasi Oliy Sovetining Vedomostlari, 1971-yil, № 34, 322-modda; 1977-yil, № 32, 494-modda) quyidagi tahrirda bayon etilsin:

“77-modda. Bayram kunlari

Korxonalar, birlashmalar va tashkilotlarda quyidagi bayram kunlarida ishlanmaydi:

1-yanvar — Yangi yil;

8-mart — Xotin-qizlar kuni;

21-mart — Navroʻz bayrami;

9-may — Gʻalaba kuni;

1-sentabr — Mustaqillik kuni;

Roʻza xayit (Iyd al Fitr) bayramining birinchi kuni;

Qurbon xayit (Iyd al Adxa) bayramining birinchi kuni”.

Oʻzbekiston Respublikasining Prezidenti I. KARIMOV

Toshkent sh.,

1992-yil 3-iyul,

669-XII-son