Dehqon xoʻjaligi aʼzolarini ijtimoiy sugʻurtalash va ularning ijtimoiy taʼminoti toʻgʻrisidagi nizomga qoʻshimcha kiritish haqida (102-son)

31.05.2006

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Vazirlar Mahkamasining “2006—2010-yillar davrida shaxsiy yordamchi, dehqon va fermer xoʻjaliklarida chorva mollari, birinchi navbatda qoramollar sonini koʻpaytirishni ragʻbatlantirish dasturini amalga oshirish chora-tadbirlari toʻgʻrisida” 2006-yil 21-apreldagi 67-son qaroriga muvofiq Vazirlar Mahkamasi qaror qiladi:

Vazirlar Mahkamasining 2001-yil 24-avgustdagi 351-son qarori (Oʻzbekiston Respublikasi QT, 2001-y., 8-son, 50-modda) bilan tasdiqlangan Dehqon xoʻjaligi aʼzolarini ijtimoiy sugʻurtalash va ularning ijtimoiy taʼminoti toʻgʻrisidagi nizomning 1-bandiga quyidagi tahrirdagi xatboshi qoʻshilsin:

“Mazkur Nizom qoramol boqish va chorvachilik mahsulotlari yetishtirish bilan band boʻlgan dehqon xoʻjaliklari aʼzolariga tatbiq etilmaydi”.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2006-yil 31-may,

102-son