Alkogolli mahsulotga toʻlanadigan aksiz soligʻining bir qismini hisoblab chiqarish va “Oʻzmevasabzavotuzumsanoat-xolding” xolding kompaniyasining rekonstruksiyalash va rivojlantirish jamgʻarmasiga yoʻnaltirish toʻgʻrisidagi nizomga oʻzgartirishlar kiritish haqida (1526-1-son)

23.05.2006

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASINING

Qarori

[Oʻzbekiston Respublikasi Adliya vazirligi tomonidan 2006-yil 23-mayda 1526-1-son bilan davlat roʻyxatidan oʻtkazildi]

Oʻzbekiston Respublikasi Soliq kodeksi, Oʻzbekiston Respublikasi “Davlat soliq qoʻmitasi toʻgʻrisida”gi Qonunining 7-moddasi va Oʻzbekiston Respublikasi Prezidentining 2006-yil 11-yanvardagi PQ-255-sonli “Meva-sabzavotchilik va uzumchilik sohasini isloh qilish boʻyicha tashkiliy chora-tadbirlar toʻgʻrisida”gi qaroriga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:

1. Oʻzbekiston Respublikasi Moliya vazirligi va Davlat soliq qoʻmitasining 2005-yil 6-noyabrdagi 103 va 2005-65-sonli “Alkogolli mahsulotga toʻlanadigan aksiz soligʻining bir qismini hisoblab chiqarish va “Oʻzmevasabzavotuzumsanoat-xolding” Xolding kompaniyasining rekonstruksiyalash va rivojlantirish jamgʻarmasiga yoʻnaltirish toʻgʻrisidagi nizomni tasdiqlash haqida”gi qaror va ushbu qaror bilan tasdiqlangan nizomning (2005-yil 30-noyabr, roʻyxat raqami 1526 — Oʻzbekiston Respublikasi Qonun hujjatlari toʻplami, 2005-y., 47-48-son, 361-modda) nomlanishi va matnida “Oʻzmevasabzavotuzumsanoat-xolding” jumlasi “Oʻzvinosanoat” jumlasiga almashtirilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiritilsin.

Moliya vaziri R.S. AZIMOV

Toshkent sh.,

2006-yil 17-may,

45-son

Davlat soliq qoʻmitasi raisi B. PARPIYEV

Toshkent sh.,

2006-yil 17-may,

2006-22-son