Oʻzbekiston Respublikasi davlat budjeti gʻaznachilik ijrosi buxgalteriya hisobining yagona hisoblar rejasini tasdiqlash haqida (1570-son)

03.05.2006

Oʻzbekiston Respublikasi Moliya vazirining

BuyruGʻi

[Oʻzbekiston Respublikasi Adliya vazirligi tomonidan 2006-yil 3-mayda 1570-son bilan davlat roʻyxatidan oʻtkazilgan]

Oʻzbekiston Respublikasining “Davlat budjeti gʻazna ijrosi toʻgʻrisida”gi Qonuniga asosan va Oʻzbekiston Respublikasi Prezidentining 2005-yil 14-iyundagi “Bozor islohotlarini chuqurlashtirish va iqtisodiyotni yanada erkinlashtirish sohasidagi ustuvor yoʻnalishlar amalga oshirilishini jadallashtirish chora-tadbirlari toʻgʻrisida”gi PF–3618-sonli Farmonining 1-ilova IV boʻlim 6-bandi ijrosini amalga oshirish maqsadida buyuraman:

1. Oʻzbekiston Respublikasi Davlat budjeti gʻaznachilik ijrosi buxgalteriya hisobining yagona hisoblar rejasi ilovaga* asosan tasdiqlansin.

* Ilova rus tilidagi matnda keltirilgan.

2. Ushbu buyruq moliya va gʻaznachilik organlari, budjet mablagʻlari oluvchilar va davlat maqsadli fondlar taqsimlovchilariga joriy etilsin.

3. Mazkur buyruq 2008-yilning 1-yanvaridan boshlab kuchga kiritilsin.

Moliya vaziri R.S. AZIMOV

Toshkent sh.,

2006-yil 7-aprel,

37-son